Titulli: Koha e ribërjes
Origjinali: Koha e ribërjes
Gjinia: Publicistikë
Autori: Ismet Hajrullahu
Shtëpia botuese: Andena
Viti: 2011
Fq. 240
Pesha: 0.271 kg
ISBN: 978-9951-468-08-4
Fragment nga libri
Marrëveshja e Kongresit të Berlinit e vitit 1878 e detyronte Serbinë që t'i kthente në trojet e veta të gjithë shqiptarët e përzënë dhunshëm nga Sanxhaku i Nishit dhe nga rajoni i Toplicës, por ajo për 130 vjet nuk është respektuar kurrë nga Serbia.
Nëse marrëveshja, sot për dikë, duket e pamundur të zbatohet, për shkak të kohës së gjatë që ka kaluar, edhe pse sipas mendimit tim nuk qëndron, së paku sot do të duhej të negociohej me palën serbe që shqiptarëve t'u rikthehen ose t'u kompensohen pasuritë e grabitura nga shteti dhe nga kolonizatorët serbë.
Komente mbi librin
"Në shkrimet e kësaj përmbledhjeje ngrenë krye papajtueshmëria me të arriturat tepër të vogla, porosia si të dilet nga kjo gjendje dhe përbuzja kundër atyre që janë të gatshëm t'i rrahin një mijë shtigje, që nuk çojnë askund, po jo njërin që të çon aty ku duhet..."
Ali Aliu - Kelmendi
"Së fundi, të gjithë e dimë, ashtu siç e dinin edhe të parët tanë , që nga epoka e Lidhjes Shqiptare të Prizrenit se, pa bashkim të kombit nuk ka të ardhme të ndritur, të sigurtë dhe aq më pak mund të ketë faktorizim të kombit shqiptar në rajon. Madje, pa alternativën e vetme të kombit shqiptar, bashkimin kombëtar nuk do të mund të themi se, e kemi siguruar ekzistencën thelbësore, demografike, ekonomike të kombit dhe aq më pak mund t'i zotërojmë territoret tona etnike. Këto pikëpamje, këto pikëvështrime janë të shtruara në librin e publicistit dhe studiuesit, Ismet Hajrullahu."
Prof. Dr. Agim Zogaj
"Libri i Ismet Hajrullahut, "Koha e ribërjes", mund të shërbejë si një kodeks i mësimeve politike e diplomatike dhe dëshmi e kërkesave të idealistëve shqiptarë për tapinë e shqiptarisë së Kosovës, udhërrëfyes kujdestar për jetën dhe ardhmërinë e Shqipërisë Natyrale."
Mr. Demir Reshiti
"Libri përçon mesazhe lirie, zhvillimi demokratik dhe emancipimi kombëtar. I tëri përshkohet nga një fill i kuq: e drejta e patjetërsueshme e shqiptarëve për ta pasur shtetin e tyre kombëtar në kufij të natyrshëm etnikë."
Sherif Konjufca
