Banner
Günter Grass, (16 tetor, 1927, Danzig— 13 prill 2015, Lübeck), ishte shkrimtar, poet dhe dramaturg gjerman. Grass u përfshi në Rininë Hitleriane gjatë Luftës së Dytë Botërore dhe u rekrutua në moshën 17 vjeçare. Ai u plagos në luftë dhe u bë i burgosur lufte. Romani i tij i parë i jashtëzakonshëm, Die Blechtrommel – Daullja e teneqesë (1959), i solli famë ndërkombëtare. Ai u bë zëdhënësi letrar i gjeneratës së të rinjve që u rritën gjatë regjimit Nazist. Bashkë me librat Macja dhe miu (1961) dhe Vitet e qenit (1963), përbën trilogjinë e vendosur në qytetin Danzig (sot Gdańsk në Poloni). Punët e tij të tjera, që të gjitha me tema politike, përfshijnë Der Butt - Shojza(1977); Unkenrufe – Thirrja e bretkosës (1992), mbi marrëdhënien e vështirë mes Polonisë dhe Gjermanisë së Bashkuar, dhe Ein Weites Feld – Një fushë e gjerë (1995), libër shumë i debatuar pasi në të ai shpreh mendimin se ribashkimi i Gjermanisë ishte i gabuar.
Grass fitoi Çmimin Nobel në Letërsi më 1999 ndërsa shkaktoi debate të mëtejshme nga zbulimi në kujtimet Beim Häuten der Zwiebel – Qërimi i qepës (2006) se ai kishte qenë anëtar i Waffen-SS, krahu ushtarak i Partisë Naziste gjatë Luftës së Dytë Botërore.
Janë 2 libra.
Botuesi: IDK
Si thuajse në gjithë veprat e tjera të tij, në fokus është sërish historia e trazuar e Gjermanisë. Por jo më ajo e "fajit gjerman", që e pat bërë atë të famshëm me trilogjinë e Dancingut, por kësaj here historia e viktimave gjermane gjatë Luftës së Dytë Botërore.
Referenca: 2660
Botuesi: Skanderbeg Books
"Macja dhe miu" është një metaforë. Joakim Malke, një djalosh jetim që jeton në Dacing të Gjermanisë, është miu dhe shoqëria që e rrethon është macja që e përgjon ta zërë në grackë. Rrëfimi jepet përmes Pilencit, një prej shokëve të Malkes së Madh dhe fokusohet në kohën e Luftës së Dytë Botërore.
