George Bataille

Punët e filozofit, shkrimtarit, poetit dhe eseistit francez George Bataille (1897-1962) janë asimetrike dhe si të tilla nuk përmblidhen dot në një shkrim të vetëm por një numër temash të mëdha dominojnë brenda veprës së tij. Këto tema përfshijnë një shqetësim obsesiv me erotiken, mitin, sakrificën, natyrën e teprimeve, profanen, heterogjenitetin dhe transgresionin shoqëror.

Shkrimet e Bataille shënjohen gjithashtu nga angazhimi me figura të tilla si Marquis de Sade, Nietzsche, Hegel, Freud, poezia e Blake,  dhe shkrimet e Jean Genet. Gjatë viteve 1920 dhe 1930, Bataille u lidh me lëvizjen surealiste në Paris dhe u ekspozua ndaj Marksizmit. Nga mesi i viteve 1930 lidhja e tij me Marksizmin u dobësua, kryesiiisssht si rrjedhojë e rritjes së interesit të tij për filozofinë niçeane. Edhe lidhja e tij me surealizmin u dobësua, jo pak për shkak të debatit të tij me Andre Breton, një eksponent i rëndësishëm i surealizmit.