Erich Maria Remarque

Erich Maria Remarque (1898-1970) ishte shkrimtar gjerman, i njohur veçanërisht për romanet e tij mbi Luftën e Parë Botërore. Ai ishte tetëmbëdhjetë vjeç kur u rekrutua nga Ushtria Gjermane dhe u plagos diss herë në luftë. Pas lufte, punoi si shofer makinash garash dhe reporter sportiv ndërsa punonte për romanin “Asgjë të re nga fronti i perëndimit”. Ngjarjet e romanit janë rutina e përditshme e ushtarëve, të cilët duket sikur nuk kanë as të shkuar dhe as të ardhme dhe vetëm jetën e tyre në llogore. Titulli dhe gjuha e komunikatave rutinë është tipike e stilit të tij gjakftohtë që regjistron tmerret e përditshme të luftës me deklarata lakonike indiference. Amoraliteti i shkrimit të tij ishte tronditës dhe në kontrast me retorikën patriotike që dominonte në atë kohë. Libri u bë një sukses i menjëhershëm ndërkombëtar dhe një klasik i letërsisë që nga ajo kohë.