Isabel Allende

Isabel Allende, (2 gusht1942, Lima, Peru), është shkrimtare kiliano-amerikane e traditës së realizmit magjik, e cila konsiderohet si një nga shkrimtaret më të suksesshme të Amerikës Latine.

Allende u lind në Peru nga prindër kilianë. Ajo punoi si gazetare në Kili deri sa u detyrua të arratiset në Venezuelë pas vrasjes më 1973 të presidentit të Kilit Salvador Allende, kushëri i të atit. Më 19981 ajo filloi t’i shkruajë një letër gjyshit të saj, i cili ishte i sëmurë i pashpresë, letër që u zhvillua në romanin e saj të parë, La casa de los espíritus (1982; Shtëpia e shpirtrave. Ky u pasua nga romanet De amor y de sombra (1984; Për dashurinë dhe hijen), Eva Luna (1987), dhe El plan infinito (1991; të gjitha janë shembuj të realizmit magjik, në të cilat letërsisë realiste i mbivendosen elementët e fantazisë dhe mitit. Shqetësimi i saj në shumë prej këtyre romaneve është portretizimi i politikës në Amerikën e Jugut, dhe të katër romanet e saj të para meditojnë mbi eksperiencën e asaj vetë dhe ekzaminojnë rolin e grave në Amerikën Latine.