Kazuo Ishiguro

Kazuo ishiguro ka lindur në Nagasaki më 8 nëntor 1954. Shtëpia ku jetoi në pesë vitet e para të jetës ishte ndërtuar në stilin tradicional japonez, me shtylla tatani dhe me panele rrëshqitëse shoji. Fotografitë e hershme tregojnë Ishiguron si foshnjë, ulur as formalisht sa të ishte e mundur, para shpatave samurai të familjes, një banderolë dhe objekte të tjera zbukuruese. Shtëpia kishte tre gjenerata me gjyshin nga babi si kryetar të familjes. Gjyshi kishte kaluar shumë vite larg Japonisë, në Shangai, ku kishte detyrën të themelonte degën e Toyota-s, pastaj një kompani pajisjesh tekstili në Kinë. I ati i Ishiguros, Shizuo, pati lindur në Shangai më 1920. E ëma, Shizuko, si të gjithë anëtarët e familjes, ishte në Nagasaku kur ra bomba atomike në qytet në gusht 1945. Ishiguro ndoqi kopshtin në Nagazaki ku ësoi hiraganan, alfabetin e parë dhe më të thjeshtë nga tre alfabetet e japonishtes.

Ishiguro la Japoninë me prindërit dhe motrën më të madhe në prill 1960 për të jetuar në Britani, pasi Shizuo Ishiguro, një oqeanograf, u ftua për të punuar për qeverinë Britanike në Institutin Kombëtar të Oqeanografisë. Familja u vendos në Guildford, Surrey, tridhjetë milje në jug të Londrës, me supozimin se në Angli do të jetonin për maksimumi dy vjet. I riu Ishiguro ndoqi shkollën e zonës dhe u bë çun kori në kishën e lagjes. Megjithëse familja vazhdimisht mendonte të kthehej në Japoni, Shizuo Ishiguro vijoi kërkimet e veta mbështetur nga qeveria britanike dhe familja nuk u kthye kurrë.

Lexo më shumë blogun: Kazuo Ishiguro, një nobelist, personazhet e së cilit janë të zënë në kurthin mes botëve