Titulli: Histori e syrit
Origjinali: Histoire de l'oeil
Gjinia: Tregime
Autori: Georges Bataille
Shqipëroi: Alket Çani, Edmond Tupja
Shtëpia botuese: Zenit Editions
Viti: 2004
Fq. 124
Pesha: 0.161 kg.
ISBN: 978-99927-948-2-8
Mbi librin
"Histori e syrit", roman i shkrimtarit francez Georges Bataille (1897 – 1962), botuar për herë të parë më 1928 fshehtas me pseudonimin Lord Auch. Ky libër është fryt i një psikanalize, ai duhet konsideruar jo aq një përligjje sesa vetë shenja e një domosdoshmërie, që e ka shtyrë autorin ta verë veten në rrezik në librin e tij ashtu siç bën toreadori në arenë.
Erotizmi shpreh atë që kurrë misticizmi nuk ka arritur ta shprehë: çastin e kapërcimit, gulçimin e jashtëzakonshëm të ekstazës që përzien tmerrin me gëzimin ashtu si orgazma ngërthen jetën me vdekjen.
Histori e syrit është pa dyshim i pari libër ku gjuha e seksit bëhet gjuha e vdekjes së Zotit, dmth. e kapërcimit të mungesës së pafund. Duke nisur nga kjo Histori, njeriu e di që, ndonëse pafundësia nuk është në qiell, as këtu, në tokë, shija e pafundësisë është te gjesti ose te mendimi që e bëjnë pluhur këtë mungesë të dyfishtë duke mos u stepur para gjërave të ndaluara të përcaktuara nga njohja e tyre e thjeshtuar.
