Guxo ta duash lirine, Jakup Krasniqi

Titulli: Guxo ta duash lirinë
Origjinali: Guxo ta duash lirinë
Gjinia: Histori
Autori: Jakup Krasniqi
Shtëpia botuese: Buzuku
Viti: 2011
Fq. 192
Pesha: 0.273 kg
ISBN: 978-9951-08-152-8

Koment nga autori

"Baza e të gjitha vlerave të Kosovës së re qëndron në gjakun e derdhur për liri. Ky gjak përbën krenarinë tonë, sepse është themeli i Kosovës së lirë e të pavarur, ai përbën njëkohësiht një detyrim për ndëtimin dhe forcimin e atdheut ashtu siç e ëndërronin dëshmorët, ashtu siç na lanë amanetin e fundit.

Në saj të këtij gjaku, populli i Kosovës sot jeton i lirë dhe dinjitoz, fëmijët e saj rriten të gëzuar e pa frikën nga terrori barbar. Dëshmorët ua falën lumturinë brezave, por siguruan edhe për veten e tyre lumturinë e amshueshme të shkallës më të përsosur. Mbi themelet e këtij gjaku ne po ndërtojmë shtetin modern e demokratik të Kosovës, atdheun e lirë e të përbashkët të të gjithë qytetarëve të tij të barabartë.

Në saj të këtij gjaku ne sot kemi miq anekënd botës, të cilët jo vetëm e njohën e po e njohin shtetin e pavarur dhe sovran, por edhe po e mbështesin çdo ditë ndërtimin e tij, forcimin e tij, ngritjen e një jete të re më të mirë në Kosovë."

Mbi autorin

Dr. Jakup Krasniqi është një nga personalitetet më të shquara politike të Kosovës. Pas kryerjes së normales dhe studimeve (Fakulteti Filozofik, dega Histori) iu përkushtua, krahas punës së pedagogut, veprimtarisë klandestine politike.

I burgosur politik (1981 - 1991), veprimtar i pakursyer, fillimisht në LDK (anëtar i Kryesisë), deputet i parlamentit të dalë nga zgjedhjet e para të lira (1992 - 1998) do të zhvillojë veprimtari politiko - ushtarake qysh nga formacionet e para klandestine, që çuan në formimin e UÇK - së, duke qenë edhe zëdhënës i saj.

Mori pjesë në Konferencën e Rambujesë, ishte ministër në Qeverinë e Përkohshme, ndërsa pas zgjedhjeve të para të pasluftës Ministër i Shërbimeve Publike nga radhët e PDK - së. Nga zgjedhjet e vitit 2007 dhe 2010 është kryetar i parlamentit të Kosovës.

Krasniqi është doktorant i historisë, ndërsa deri më tani ka botuar shtatë libra: "Kthesa e Madhe - Ushtria Çlirimtare e Kosovës", "NJë luftë ndryshe për Kosovën", "Pavarësia si kompromis", "Kosova në kontekst historik", "Lëvisja për Republikën e Kosovës 1981 - 1991 sipas shtypit shqiptar", "Pranvera e lirisë '81" dhe "Guxo ta duash lirinë".