Titulli: Kthesa e Madhe- Ushtria Çlirimtare e Kosovës
Origjinali: Kthesa e Madhe- Ushtria Çlirimtare e Kosovës
Gjinia: Histori
Autori: Jakup Krasniqi
Shtëpia botuese: Buzuku
Viti: 2006
Fq. 304
Pesha: 0.474 kg
ISBN: 9951-08-059-6
Mbi librin
Çfarë nuk qe e mundur të arrihej për vite të tëra me protesta paqësore dhe mosbindje qytetare, u arrit brenda pak muajve me anë të dhunës: Kosova u bë qendra e vëmendjes së mediave, për këtë arsye kriza e saj politikisht nuk mund të lihej pas dore. Provokimet e UÇK-së sollën si rrjedhojë kundër-goditje, të cilat forcat speciale të policisë serbe i kryen duke përdorur dhunë të tepruar. Familje të tëra të dyshuara që kishin lidhje me UÇK-në u shfarosën.
Pamjet e luftimeve të armatosura, të fshatrave të përpira nga flakët dhe të eksodit të popullsisë civile zgjuan menjëherë kujtimin e dështimit të diplomacisë në Bosnjë dhe Hercgovinë. Shqetësimi se një "luftë e re ballkanike" ishte në prag, u bë përcaktuese në veprimet e aktorëve kryesorë të bashkësisë ndërkombëtare.
Në këtë mënyrë UÇK-ja arriti pikërisht atë qëllim, në të cilin Rugova kishte dështuar: ajo arriti që me anë të dhunës të internacionalizonte krizën e Kosovës, në fillim në rrafshin medial e më pas në atë politik. Vetëm atëherë bashkësia ndërkombëtare u gjne de shtrënguar të merrte masa.
Mbi autorin
Jakup Krasniqi (1951, Negrofc i Drenasit) është një nga personalitetet më të shquara politike të Kosovës. Pas kryerjes së normales dhe studimeve (Fakulteti Filozofik, dega Histori) iu përkushtua, krahas punës së pedagogut, edhe veprimtarisë klandestine politike.
I burgosur politik (1981-1991), veprimtar i pakursyer, fillimisht në LDK (degaDrenas) dhe, I pakënaqur me rrjedhat e ngadalshme të zhvillimeve politike, edhe pse anëtar i kryesisë së LDK-së madje edhe deputet i parlamentit të dalë nga zgjedhjet e para të lira (1992-1998), zhvilloi veprimtari politiko-ushtarake qysh nga formacionet e para klandestine që çuan drejt formimit të UÇK-së. Me shfaqjen publike të UÇK-së, Krasniqi ishte zëdhënës i saj.
Mori pjesë në Konferencën e Rambujesë, qe ministër në Qeverinë e Përkohshme që doli nga marrëveshja e të gjithë spektrit politik, ndërsa pas zgjedhjeve të para të pasluftës ministër i Shërbimeve Publike. Jakup Krasniqi është magjistër i historisë. Ka botuar një numër të madh librash që lidhen me zhvillimet politike shqiptare.
