Titulli: Frashëri në historinë e Shqipërisë
Origjinali: Frashëri në historinë e Shqipërisë
Gjinia: Histori
Autori: Alfred Frashëri, Neki Frashëri
Shtëpia botuese: Dudaj
Viti: 2007
Fq. 256
Pesha: 0.40 kg
ISBN: 978-99943-0-051-8
Mbi autorin
Alfred Irfan Frashëri u lind në Korçë në vitin 1935. U diplomua Inxhinier Gjeolog i specializuar në gjeofizikë, në Universitetin e Tiranës (1961). Një ndër specialistët e parë të gjeofizikës, që ka kontribuar në ngritjen, organizimin dhe zhvillimin e Gjeofizikës Shqiptare, në veçanti të përgatitjes së specialistëve gjeofizikë dhe kualifikimin e tyre pasuniversitar.
Kandidat i shkencave (1974), docent (1982), doktor i shkencave (1987) dhe profesor (1989). Pedagog në Universitetin e Tiranës dhe atë Politeknik për 46 vjet për lëndët "Elektrometria", "Metodat Gjeofizike të Kërkimit", "Fizika e Tokës" etj. ka botuar 11 tekste mësimore, midis të cilëve tekstin e parë të gjeofizikës në vend "Gjeofizika kantierale" (1964, 1971), "Elektrometria" (1985, me bashkautorë), "Gjeofizika inxhinierike dhe e mjedisit" (2005) etj.
Ka mbajtur leksione dhe në disa universitete europiane, në SHBA dhe në Kanada. Ka udhëhequr 8 disertantë. Ka eksperimentuar dhe zbatuar për herë të parë në Shqipëri metodat e reja gjeofizike, ka kontribuar në zgjerimin e fushave të zbatimit të gjeofizikës, si dhe rritjen e thellësisë së kërkimeve gjeofizike të naftës dhe të gazit në detin Adriatik, të informatizimit të përpunimit dhe interpretimit të të dhënave gjeofizike, të studimit të burimeve të energjisë gjeotermale.
Bashkautor i Atlasit Gjeotermal të Europës (1991) dhe i Atlasit të Burimeve Gjeotermale në Europë (2002). Ka kryer 64 studime dhe ka drejtuar 20 projekte, nga të cilët 5 ndërkombëtarë. Ka botuar 7 monografi, midis të cilave "A review of the application of geophysical methods for exploration of copper and chromite deposites in Albania" (2006), 48 artikuj në vend dhe 20 në periodikun shkencor ndërkombëtar, ka referuar në 50 kongrese e konferenca shkencore kombëtare dhe në 56 ndërkombëtare.
Alfred Frashëri është anëtar nderi i Bashkimit Europian të Gjeoshkencëtarëve dhe Inxhinierëve (EAGE) dhe i Shoqatës Gjeofizike të Ballkanit, anëtar i Shoqatës së Gjeofizikantëve Kërkues të USA (SEG) dhe i Shoqatës Ndërkombëtare të Gjeotermisë (IGA). Është një nga nismëtarët e krijimit të Shoqatës Gjeofzike të Shqipërisë dhe i Bashkimit Shqiptar të Gjeoshkencëtarëve dhe Inxhinierëve, të cilat i ka drejtuar për shumë vjet. Është dekoruar me Urdhrin "Naim Frashëri" të klasit lll, Medaljen e Punës, si dhe më Medal of Honor Millenium 2000.