Titulli: Tregtari
Origjinali: The salesman
Gjinia: Roman
Autori: Joseph O'Connor
Shqipëroi: Rogreta Shani
Shtëpia botuese: Dituria
Viti: 2013
Fq. 400
Pesha: 0.497 kg
ISBN: 978-9928-103-78-9
Mbi librin
Është vera më e nxehtë që është parë ndonjëherë në Dublin, por Billi Suini, një tregtar mesoburrë, me një martesë të dështuar, karrierë të luhatur e shtëpi të rrënuar, nuk do t'ia dijë për të, në mendje i vlojnë një mijë e një mendime. Pas një përpjekjeje për grabitje, vajza e tij e vogël sulmohet dhunshëm nga një grup djemsh dhe bie në koma.
I dërrmuar nga pasojat e asaj nate të tmerrshme, i lodhur nga burokracitë e i zhgënjyer nga sistemi, Billi më në fund vendos ta marrë ligjin në duart e veta për të vënë drejtësi. Por kur planet e tij përmbysen, rezultatet janë të tmerrshme, shpesh komike, dhe në fund, të paharrueshme.
Një roman për dashurinë, vetminë, alkoolizmin, shpengimin dhe natyrisht tragjedinë, i shkruar në formën e një ditari, plot me ngjarje e të papritura.
Komente mbi librin
"Një roman i fuqishëm... shkruar me një stil të shkujdesur e të zhdërvjellët, ndërthurje midis komikes, çiltërsisë dhe vrazhdësisë."
The New York Times Book Review
"Mahnitës... Një roman ku ndërthuren mrekullisht e tashmja me të shkuarën, teksa O'Connor heton me mjeshtëri rrënojat e humbjes dhe tragjedisë duke ndërthurur faktet mizore me humorin e errët që shfaqet në prag të dhembjes."
Publishers Weekly
"Magjepsës... çiltërsia dhe mjeshtëria e të shkruarit e O'Connor- it bëjnë që emocionet të jenë autentike dhe shpengimi thuajse i besueshëm."
The Observer
"Një roman i shkruar mrekullisht. Mënyra se si O'Connor përshkruan marrëdhënie që po fundoset nën presionin e parave dhe alkoolit është tmerrësisht e besueshme."
The Sunday Times
"Një roman mjaft tërheqës e mbresëlënës... një përmbajtje tensionuese e krijuar me mjeshtëri."
The Guardian
Mbi autorin
Joseph O'Connor, shkrimtar tepër i njohur irlandez, por edhe gazetar i Sunday Tribune dhe i revistës Esquire. Studimet e larta i kreu në University College, Dublin, ku u specializua për letërsinë anglo – irlandeze. Lektor në Universitetin e Oksfordit, O'Connor është fitues i disa çmimeve të njohura letrare.
Për "Coëboys and indians" ka fituar Çmimin Whitebread, ndërsa "Star of the Sea" është cilësuar nga The Economist si një nga librat më të mirë të 2003 dhe është vlerësuar me çmimet: France's Prix Millepages, Italy's Premio Acerbi, Irish Post Award for Fiction, Neilsen Bookscan, Golden Book Award, Prix Litteraire Zepter for European Novel of the Year etj. Veprat e Joseph O'Connor janë përkthyer e botuar në mbi 40 gjuhë.
