Në shtëpi, Toni Morrison

Titulli: Në shtëpi
Origjinali: Home
Gjinia: Roman
Autori: Toni Morrison
Shqipëroi: Ilir I. Baçi
Shtëpia botuese: Dudaj
Viti: 2022
Fq. 122
Pesha: 0.15 kg
ISBN: 978-99943-0-662-6
Ky libër është në gjuhën shqipe

Mbi librin

Frenk Moni, një ish-ushtar amerikan në Luftën e Koresë, ku ka përjetuar traumë në front, vraja e së cilës është jo vetëm trupore, kthehet dhe, mes zemërimit dhe ndjenjës së neverisë për veten, përballet me një Amerikë raciste. Vendi që la, shtëpia ku ka jetuar më parë, mund të mos jetë më siç e mban mend ai, por Frenkun e nxjerr nga apatia paralizuese nevoja për të shpëtuar motrën e vogël, që ka pësuar dhunë mjekësore, dhe për ta shpënë në qytezën e shtetit të Xhorxhias, ku janë rritur – një vend të cilin e ka urryer me gjithë zemër. Tek u kthehet kujtimeve të fëmijërisë dhe të luftës – prej të cilave fillon të vërë në dyshim kthjelltësinë e mendjes – Frenku gjen një guxim të pabesueshëm. Ky roman rrëqethës i shkrimtares së madhe amerikane Toni Morrison, na zbulon një njeri në dukje të mposhtur, i cili arrin të gjejë burrërinë, por, në fund, edhe shtëpinë, vendin të cilit i përket.