Titulli: Teori e shkurtër për udhëtimin dhe për shkretëtirën
Origjinali: Breve teoría del viaje y el desierto
Gjinia: Tregime
Autori: Cristian Crusat
Shqipëroi: Bajram Karabolli
Shtëpia botuese: Albas
Viti: 2016
Fq. 80
Pesha: 0.112 kg.
ISBN: 978-9928-02-639-2
Mbi librin
"Teori e shkurtër për udhëtimin dhe për shkretëtirën" është një sfidë e vërtetë ndaj shumicës së rregullave të pranuara në letërsinë tonë për formën e një tregimi. Të gjitha tregimet e këtij vëllimi rrokin tërë përvojën e gjerë njerëzore, duke na vendosur në çdo cep të botës, që nga viset e thata të brigjeve mesdhetare, deri te faqet e shkrimtarit gjenial serb Milorad Pavic: ky është i gjithë udhëtimi.
Falë një proze jashtëzakonisht elastike, një stili shkrimi endacak, që përshtatet me vendet e ndryshme shpirtërore, fizike apo imagjinare të çdo tregimi, dhe individualitetit të brishtë të personazheve të tij, Crusat – i i çon këto personazhe të rropatura drejt humnerës së frikës, dyshimit dhe dëshirës, që përbëjnë botën bashkëkohore.
Ato presin, kërkojnë apo eksplorojnë mundësinë e një zbulimi që nuk mbërrin në të tashmen e tyre të mpirë, edhe pse, çuditërisht, ato duken të paafta që të ndërmarrin ndonjë veprim të dobishëm, me përjashtim, ndoshta, të Lenës joshëse, e cila na shkruan që nga bota pluskuese e ëndrrave.
Siç na thotë mistika e safive, shpirti kërkon ndryshimin dhe, për pasojë, palëvizshmëria është njësoj me vdekjen e ngadaltë që na përgjon gjithandej, duke na përndjekur nëpër rrugë dytësore, vendparkime të zbrazëta apo hotele plot me turistë.
Kjo është shkretëtira e realitetit, ku, fatlumë apo jo, jemi robër, në atë mënyrë që fati apo rastësia (një ngjarje e parëndësishme, një humbje ndjenjash në një plazh nudist, një aksident ajror që nuk ndodhi kurrë) është ai që, si ndonjë shpërblim, na zbulon fytyrën e vërtetë të vetmisë sonë.
Mbi autorin
Cristian Crusat (1963) është autor i vëllimeve me tregime "Statujat" dhe "Të qetë në kohë lufte". Ka botuar ese, përkthime dhe artikuj letrarë në revista të ndryshme spanjolle dhe hispano – amerikane, si "Revista de Occidente", "Letra Internacional", "Punto de partida". Aktualisht punon si lektor i spanjishtes për të huajt.
Vëllimi "Teori e shkurtër për udhëtimin dhe për shkretëtirën" ka fituar Çmimin Ndërkombëtar "Manuel Llano" (2010) dhe Çmimin e Bashkimit Europian për Letërsinë (2013).
