Titulli: Tri bijat e Evës
Origjinali: Havva'nın Üç Kızı
Gjinia: Roman
Autori: Elif Shafak
Shqipëroi: Taulant Hatia
Shtëpia botuese: Bota Shqiptare
Viti: 2018
Fq. 464
Pesha: 0.501 kg.
ISBN: 978-9928-00-298-3
Mbi librin
I vendosur mes Stambollit dhe Oksfordit, nga vitet 1980 deri në ditët e sotme, "Tri bijat e Evës" është një rrëfim i ndjerë besimi dhe miqësie, tradite dhe modernizmi, dashurie dhe tradhtie të papritur.
Perisë, një nënë dhe shtëpiake e pasur turke, gjatë rrugës për në një darkë në një vilë buzë detit në Stamboll, i grabitet çanta nga një lypës. Ndërsa lufton për t'ia rimarrë, nga çanta bie një fotografi e vjetër, ku duken tri vajza dhe profesori i tyre i universitetit. Një relike nga e shkuara dhe një dashuri që Peria përpiqet me dëshpërim ta harrojë.
Fotografia e kthen Perinë në Universitetin e Oksfordit, kur ishte nëntëmbëdhjetë vjeç dhe doli për herë të parë jashtë vendit. Te profesori i saj mahnitës dhe rebel, te seminari mbi Zotin që i ndryshoi jetën.
Te shtëpia ku kishte banuar me dy shoqet e ngushta, Shirinën dhe Monën, te zënkat e tyre mbi identitetin, Islamin dhe feminizmin. Dhe, së fundi, te skandali që i ndau. Shirina, Peria dhe Mona ishin shoqet më të pamundura. Ato ishin Mëkatarja, Besimtarja dhe Dyshuesja.
Komente mbi librin
"Një libër i mahnitshëm."
Ian Rankin
"Një histori inteligjente, e fortë dhe argëtuese."
Financial Times
"Një libër plot mendim dhe i këndshëm, që ofron lidhje me botë, me perspektiva dhe mundësi të tjera."
Sunday Times
"Një roman i fortë, tërheqës dhe që ngjall debat."
Observer
"Një nga shkrimtaret më të rëndësishme të kohës sonë, Elif Shafaku eksporon me gojëtari të rrallë të tashme dhe të shkuarën e trazuar të Turqisë. Thjerra e saj zmadhuese lëviz mes Stambollit dhe Oksfordit në nëj eksporim mahnitës të besimit dhe miqësisë, pasurisë dhe varfërisë, si dhe mbi përplasjen shkatërrimtare mes traditës dhe modernizmit."
Independent
"Shkrimi i Elif Shafakut të bën të fluturosh nëpër faqe. Te "Tri bijat e Evës" ajo na fut nën lëkurën e tri vajzave, duke i shpalosur shkallët e miqësisë përmes dashurisë dhe humbjes. Një libër vërtet me peshë."
Frances Osborne
Mbi autoren
Elif Shafak është fituese e disa çmimeve dhe shkrimtarja më e lexuar në turqi. Është gjithashtu komentatore e njohur politike. Shkruan në turqisht dhe anglisht, ka botuar 15 libra, 10 prej të cilëve romane, përfshi librat e shkëlqyer "Bastardja e Stambollit" dhe "Dyzet rregullat e dashurisë". Librat e saj janë përkthyer në më shumë se dyzet gjuhë të botës.
Shafaku është folëse e njohur e forumit TED Global, anëtare e Këshillit të Agjendës Globale të Forumit Ekonomik Botëror për Ekonominë Krijuese në Davos dhe pjesëtare themeluese e KEMJ (Këshillit Evropian për Marrëdhëniet e Jashtme). Ka fituar titullin "Kalorëse e urdhrit të Arteve dhe Letrave" në 2010 nga qeveria franceze.
Shkruan në gazeta dhe revista periodike të mëdha në gjithë botën, përfshi Financial Times, Guardian, New York Times, Wall Street Journal, Der Spiegel dhe la Repubblica. Elif Shafak jep leksione në disa universitete në Turqi, Britaninë e Madhe dhe SHBA. Është diplomuar për marrëdhënie ndërkombëtare, ka marrë gradën master në studimet gjinore dhe doktoraturën në shkenca politike.
Njihet si mbrojtëse e të drejtave të grave, pakicave dhe LGBT-së. Si folëse publike, Shafaku përfaqësohet nga The London Speaker Bureau, Chartwell Speakers dhe Penguin Speakers Bureau. Prej kohësh është propozuar për çmimet Orange, MAN Asian, Baileys dhe IMPAC Dublin, por edhe për Çmimin e letërsisë artistike të pavarur të huaj dhe çmimin RSL Ondaatje.
Ka bërë pjesë në jurinë e vlerësimit për Independent Foreign Fiction Prize (2013); Sunday Times Short Story Award (2014, 2015), 10th Women of the Future Awards (2015); FT/Oppenheimer Funds Emerging Voices Awards (2015, 2016); Baileys Women's Prize for Fiction (2016) si dhe Man Booker International Prize (2017).
