Titulli: Bastardja e Stambollit
Origjinali: The bastard of Istanbul
Gjinia: Roman
Autori: Elif Shafak
Shqipëroi: Adrian Belo
Shtëpia botuese: Bota Shqiptare
Viti: 2010
fq. 412
Pesha: 0.48 kg
ISBN: 978-99956-11-97-2
Mbi librin
Ky është një roman nga një nga shkrimtaret më të njohura dhe më të sinqerta të Turqisë, një roman mbi historitë e komplikuara të dy familjeve.
Në këtë roman të dytë të shkruar në anglisht, Elif Shafak konfronton të shkuarën e dhunshme të vendit të saj në një rrëfenjë të gjallë dhe plot ngjyra të vendosur në Turqi dhe në Shtetet e Bashkuara. Në qendër të saj është "bastardja" e titullit, Asia, një nëntëmbëdhjetëvjeçare që dashuron Xhoni Keshin, një ekzistencialist francez, si dhe katër motrat e familjes Kazanxhi, të cilat jetojnë sëbashku në një oborri të madh në Stamboll. Vëllai i tyre i vetëm dhe i shkëputur nga familja jeton në Arizona me bashkëshorten e tij dhe me vajzën e bashkëshortes, një armene me emrin Armanush. Kur Armanushi fluturon fshehtazi në Stamboll në kërkim të identitetit të saj, ajo zbulon motrat Kazançi dhe bëhet mikeshë me Asijën. Një sekret i zbuluar lidh dy familjet me epokën e deportimeve dhe masakrave të armenëve të vitit 1915. Ky është një libër që konfirmoi Shafak si një yll në ngritje në letërsinë botërore.
Komente mbi librin
"Tek Kazanxhitë, turq stambolli, gratë janë prush dhe me humor të trazuar, u pëlqen dashuria dhe flasin me xhindet, ndërsa burrat shkojnë shumë herët në botën e përtejme apo në Amerikë. Tek Çakmaçianët, armenas të emigruar në Shtetet e Bashkuara në vitet 1920, pavarësisht ç'seksi i përkasin, janë të lidhur ngushtë pas identitetit dhe traditave të tyre.
Divorci mes Barsamit dhe Rozës, dhe, mandej, martesa e dytë e kësaj me një turk me emrin Mustafa, ngrenë një stuhi zemërate të përgjithshme. Kur vajza e Barsamit dhe e Rozës, tashmë njëzetenjë vjeçe, ia beh fshehtas në Stamboll nga dëshira për të kuptuar popullin e saj, e strehon aty me ngrohtësi familja e njerkut të saj. Miqësia që lind ndërmjet Armanush Çarkmaçianit dhe Asia Kazanxhiut, "bastardja", do të nxjerrë në dritë të fshehta të ndryra më së thelli..."
Susan Isaac
"Sikur të kishim një botë ideale, shkrimtarja turke Elif Shafak do të merrte shumë më tepër vëmendje për të shkruarin e saj të zellshëm e imagjinativ, e më pak debat për komplikimet politike të veprës... Një vështrim i gjallë mbi familjen dhe Stambollin bashkëkohës nga dy gra të reja, njëra turke e tjetra armeno – amerikane."
USA Today
"I gjallë e shumëngjyrësh... Ky roman i ri i mrekullueshëm më pushtoi të tërin. Dhe kur mbaroi, realiteti ishte ndryshe." Chicago Tribune "Shkrimtarja më e madhe turke këta dhjetë vitet e fundit."
Orhan Pamuk
Mbi autoren
Bijë diplomati, Elif Shafak, ka lindur në Strazburg të Francës më 1971. Rininë e parë e kaloi në Spanjë, para se të kthehej më pas në Turqi. Është autore e shtatë romaneve dhe vepra e saj është përkthyer në mbi njëzet gjuhë. Në Turqi, ajo ka fituar Çmimin e Letërsisë "Mavlana" dhe Çmimin e Romanit Turk. Gjithashtu ka fituar një sërë çmimesh ndërkombëtare.
