Titulli: Sonata e Krojtzerit, një histori dashurie
Origjinali: Kreutzersonate
Gjinia: Roman
Autori: Margriet de Moor
Shqipëroi: Edit Dibra
Shtëpia botuese: Dituria
Viti: 2005
Fq. 116
Pesha: 0.15 kg
ISBN: 978-99927-59-64-X
Mbi librin
Në teatrot dhe në sallat koncertale të gjysmës së Europës, Marius van Vlooteni nuk kalon pa u vënë re. Muzikolog i shkëlqyer, elegant dhe i rafinuar, ai njihet si "kritiku i verbër", "pinjoll i borgjezisë së lartë", që gjatë kohës si student e ka qëlluar veten me armë për një zhgënjim në dashuri. Pas shumë vjetësh ndodhet në Bordo, ku janë mbledhur kuartete harqesh me të rinj të talentuar nga e gjithë bota.
Përse dëgjon kaq i rrëmbyer kuartetin Schulhoff, që po ekzekuton Sonatën e Krojtzerit? Për hir të violinës së parë, bukuroshes Suzana Flier. Margriet de Moor me romanin e saj origjinal e të jashtëzakonshëm "Sonata e Krojtzerit", duke përshkruar në mënyrë të shkëlqyer jetën e një njeriu të rrënuar nga xhelozia, na sjell fatalitetin e një ndjenje që "asnjë fuqi në botë nuk mund ta anashkalojë".
Komente mbi librin
"Fataliteti që sjell xhelozia në një roman ku përballen arti dhe jeta."
Die Zeit
"Sonata e Krojtzerit është një vallëzim i shkëlqyer dashurie."
Stuttgarter Zeitung
Mbi autoren
Margriet de Moor konsiderohet si një nga shkrimtaret më të rëndësishme bashkëkohore holandeze. Ajo ka studiuar piano dhe kanto në Akademinë e Muzikës në Hagë. Për disa vite ajo studioi histori arti dhe punoi si këngëtare e regjisore videoportretesh. Fillon të shkruajë më 1988 dhe e arrin suksesin shpejt. Më 1989 fiton çmim për vëllimin me novela "Portret i dyfishtë", kurse më 1992 me romanin e saj të parë "Në fillim gri, pastaj e bardhë, pastaj blu".
