Titulli: Gruaja e gjeneralit
Gjinia: Roman
Autori: Joseph O'Connor
Shqipëroi: Jorgji Qirjako
Shtëpia botuese: Dituria
Viti: 2008
f. 468
Pesha: 0.58 kg
ISBN: 97899943-46-54-7
Mbi librin
Autori i librit Ylli i detit, vjen sërish në shqip me një roman epope mbi luftën, dashurinë dhe humbjen. Një nga kapitujt më dramatikë dhe pjellorë të historisë amerikane vjen e përshkruar nga duart e një mjeshtri të narracionit, me një stil të paharrueshëm.
Ndërkohë që Luftës Civile amerikane po i vjen fundi, në kryeqytetin e një vendi imagjinar, Xhejms O'Kifi, kryen me shumë mund detyrën e guvernatorit. Irlandez, me një të kaluar aventureske si kundërshtar i Kurorës britanike, ai është i martuar me të bukurën dhe të mistershmen Luçia-Kruz MakLeland. Martesa e tyre- një lidhje e stuhishme, së cilës i janë kushtuar disa nga faqet më pikante të romanit- është prej kohësh në krizë.
Kur, pas vitesh të tëra ndarjeje, Luçia vendos dtë shkojë pranë të shoqit, gjen jo vetëm një burrë të rrënuar dhe të humbur, por edhe një djalosh enigmatik, me gjasë një prej jetimëve të shumtë të konfliktit. As ajo, as O'Kifi nuk mund ta marrin me mend se nga Jugu në Veri, një grua e re po i binte kryq e tërthor vendit duke kërkuar pikërisht atë djalosh, në një udhëtim të gjatë që do të kishte pasoja befasuese në jetën dhe fatin e shumë njerëzve.
Joseph O'Conner ndërton një epope të zjarrtë për luftën, dashurinë dhe faljen, duke u dhënë zë robërve dhe prijësve, banditëve dhe sherifëve, indianëve dhe analfabetëve: një rrëfim rrëmbyes që përmes baladeve, poezive dhe manifesteve, sfidon parimet e romanit, për të an ofruar një lexim origjinal të një prej krerëve më dramatikë dhe më të vëllimshëm të historisë amerikane.
Komente mbi librin
"Herë me veçori të rralla, të shkëlqyera dhe depërtuese, herë të tjera i pasur me episode përshkrime të shkëlqyera dhe episode prekëse...Një rrëfim pasionues."
Colm Toibin
"Një libër unik për kohën. Një skenar dhune, dashurish dhe tragjedish në kohën e Luftës Civile amerikane, i treguar me mjeshtëri dhe me një ndjeshmëri të jashtëzakonshme."
Nuala O'Faolain
"Një margaritar! Një libër i mrekullueshëm, konciz dhe i guximshëm. Kur e mbarova së lexuari, doja ta nisja nga fillimi."
Colum McCann
