Të ndriturit, Eleanor Catton

Sa herë në kaq kohë të bie të lexosh një roman, i cili të ngrin përtej gjërave të rutinës së përditshme, të heq mënjanë, të mbledh dhe të lë të ndihesh sikur ke kaluar fundjavën me një gjeni. Eleanor Catton me këtë roman mahnitës bën thjesht këtë...

Përshkrimi

Titulli: Të ndriturit
Origjinali: The Luminaries
Gjinia: Roman
Autori: Eleanor Catton
Shqipëroi: Rudi Erebara
Shtëpia botuese: Ombra GVG
Viti: 2016
Fq. 800
Pesha: 1.123 kg.
ISBN: 978-9928-06-161-4

Fragment nga libri

Ndoshta, ai mund ta blinte atë për një natë. Në mëngjes mund ta çonte në Arahura, t'i tregonte pasurinë që kishte groposur atje. T'i shpjegonte se kishte ndër mend t'i jepte asaj gjysmën, saktësisht gjysmën. A do të binte ndesh me qëllimin e dhuratës, nëse ai do ta kishte paguar ndërkohë për të pasur kënaqësinë e shoqërisë së saj?

Ndoshta. Por, a e duronte dot ai, që burrat e tjerë të kishin njohur atë në atë mënyrë që Steinesi nuk e kishte njohur? Nuk e dinte. Ai shkërmoqi një gjethe në pëllëmbë dhe pastaj ngriti dorën te hunda që t'u merrte erën lëngjeve të saj.

Komente mbi librin

"Sa herë në kaq kohë të bie të lexosh një roman, i cili të ngrin përtej gjërave të rutinës së përditshme, të heq mënjanë, të mbledh dhe të lë të ndihesh sikur ke kaluar fundjavën me një gjeni. Eleanor Catton me këtë roman mahnitës bën thjesht këtë..."

Lesley McDowell, Scotsman

"Në romanin e madh me shumë shtresëzime të Eleanor Catton, personazhet janë tërhequr nëpër oqeane të pabesa, të uritur për ar; janë ndjellur nga strukat e errëta plot tym të opiumit; dhe janë përballur me praninë e joshjes së grave që shesin seks – të gjitha satelitë të antipodit të etheve të arit... sillen rrotull për do kohë në orbitën e këtij romani, pastaj rikthehen me këmbë në tokë, të rrokin më fort qëndrimin tënd. Mjekimi i romanit: receta letrare për të joshur."

Indipendent

"Të gjithë librat e mirë prishin origjinat e veta gjenerike, duke u kthyer tek vetvetja. Por rrallë, kjo aksiomë rri më qëndrueshëm se në romanin e dytë tronditës në çdo kuptim "Të ndriturit". Pesha e lehtë e rrëfimit mund të duket e tmerrshme; por harroje. Ajo është mes tregimtareve më të mira, duke na çuar nëpër labirintet e jetëve, të gjitha puqur në atë mënyrë që ty nuk të shkon kurrsesi mendja aty.

Sensi i saj i historisë është i tillë sa e bën të shkuarën aq të përshtatshme sa e ardhmja. Koha ikën, zhduket në shkrimin e saj dhe misteri i krijimit futet nëpër plasat e ngjarjes. Unë nuk desha të kishte një fund ky roman edhe, në njëfarë kuptimi, nuk e ka."

Jay Parini, autor i "Stacioni i fundit" dhe "Pasazhet e Herman Melville"

"Ky roman epik i dritës dhe hijes në Zelandën e Re pohon talentin rrezatues të autores... Edhe pse pa i mbushur akoma 30 vjeç, mjeshtëria e saj për formën e trilluar është sakaq e sigurtë."

Brian Morton, Indipendent

"Një zbërthim intelektual dhe një akt i shquar i vetrilokuizmit letrar, i cili ndihet sikur vërtet është shkruar me të njëjtin shpirt me paraardhësit e vet... Megjithëse ndjeva nevojën të merrja galopin nëpër libër, në kërkim të ndonjë përgjigjeje, e cila të mund të më kënaqte kureshtjen që dhimbte përherë e më tepër, e gjeta veten duke ngadalësuar shpesh për të shijuar personifikimin e Catton – it dhe mençurinë e hollë. Gjykatësit e çmimit Man Booker vërtet kanë gjetur flori."

Jake Kerridge, Sunday Express

Mbi autoren

Eleanor Catton ka lindur në Kanada më 24 shtator 1985. Familja e saj u zhvendos ne Zelandën e Re kur Catton ishte gjashtë vjeç. Ka studiuar gjuhën angleze në Universitetin e Katenburit. Masterin përshkrim kreativ e kreu në Institutin e Letrave Moderne "Victoria", Universiteti i Uellingtonit.

Në vitin 2008, debutoi me romanin "The rehearsal". Në vitin 2009 është cilësuar nga Daily Mail si "vajza e artë e vitit në fiction". Në vitin 2013, fiton "Man Booker Prize" për romanin "Të ndriturit".

Detajet e librit

Bashkëngjitje

Shkarkime

KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)

Ndoshta mund të pëlqejë edhe