Titulli: Dritëhijet e një mendjeje
Origjinali: Dritëhijet e një mendjeje
Gjinia: Roman
Autori: J. Bernlef
Shqipëroi: Oriana Tamburi
Shtëpia botuese: Dituria
Viti: 2023
Fq. 175
Pesha: 0.36 kg
ISBN: 978-9928-366-69-6
Ky libër është në gjuhën shqipe
Mbi librin
Romani "Dritëhijet e një mendjeje", i botuar për herë të parë më 1983, mbetet ende ndër më të lexuarit në letërsinë holandeze, për hir të rrëfimit unik dhe dramës së tij.
Eshtë historia intime dhe mallëngjyese e një të moshuari, të prekur nga sëmundja e Alzhajmerit, që tregohet nga zëri narrativ i vetë personazhit kryesor.
Fillimisht me mendje të kthjellët, megjithëse i lodhur, 71-vjeçari Marten Klajn jeton me gruan, në Gloucester. Pasi kanë duruar vuajtjet prej pushtimit nazist të Holandës, ata kanë emigruar në SHBA, ku Marteni ka shërbyer si nëpunës.
Hutimi i Martenit pasqyron pështjellimin që ndjeu ai dhe e shoqja, Vera, kur mbërritën për herë të parë në Gloucester. Si të gjithë emigrantët, ata u përballën me një gjuhë tjetër, me një vend të panjohur. Por në këtë terren të brendshëm kaosi, çdo përshtatje është mashtruese: momentet ndryshojnë, rregullat nuk janë më të njëjtat dhe gjuha përfundimisht e tradhton. “Kam nisur t’i humb fjalët, siç humbin njerëzit gjak.”
Kjo sëmundje e pashërueshme, edhe pse rrallëherë vepron aq shpejt sa te personazhi kryesor i Bernlefit dhe, gjithsesi, pak pacientë mbeten kaq reflektues, e degradon shpejt Martenin.
Romani "Dritëhijet e një mendjeje" është më shumë se një përshkrim i hollësishëm i botës, i parë me sytë e një pacienti me Alzhajmer: është një histori dashurie, që refuzon me kokëfortësi fundin.
