Titulli: Kanun
Origjinali: Kanun
Gjinia: Studime albanologjike, trashëgimi kulturore
Autori: Xhafer Martini
Shtëpia botuese: Dita 200
Viti: 2013
Fq. 464
Pesha: 0.548 kg.
ISBN: 978-9956-92-85-8
Koment nga Ramiz Gjini
E quajta për nder dhe si një privilegj të veçantë që më bëhet nga shkrimtari dhe studiuesi i mirënjohur Xhafer Martini që të shkruaja parathënien për studimin mbi Kanunin. Ky studim është një vepër e dorës së parë për shumë arsye që do t'i rendis më poshtë:
Është i pari studim në llojin e vet që rrok një tërësi problemesh dhe dukurish kanunore që nuk janë prekur deri më sot nga studiues të tjerë. Mjafton të kujtojmë pak prej temave të tilla, si: ndikimi i Kuranit në Kanun, Kanuni dhe totalitarizmi, sjellja agresive, dhuna e fjalës, a e kishte Kanuni dënimin me vdekje, veprimet mbi Kanun, koncepti mbi burrin, kur dhe si është krijuar Kanuni, Kanuni dhe Kushtetuta, si krijohen norma kanunore, kanuni dhe nacionalizmi, kanuni dhe disa kapituj nën titullin: Ndryshime e përkime (krahasime midis Kanunit të Lekë Dukagjinit, Kanunit të Skënderbeut dhe Kanunit të Dibrës).
Edhe ndonjë temë që është trajtuar më parë, si: Kanuni dhe letërsia, tek ky autor vështrohet ndryshe dhe mënyra e qasjes më duket më efikase. Autori hedh konceptin e një Kanuni për të gjithë botën shqiptare.
Këtë mendim e kanë hedhur edhe të tjerët, por duke e ngushtuar këtë, sepse kanë pasur parasysh vetëm Kanunit e Lekë Dukagjinit. Kurse, Xhafer Martini këtu ka parasysh Kanunin në tërësi.
