Titulli: Historia e filatelisë shqiptare (kopertinë e trashë)
Origjinali: Historia e filatelisë shqiptare
Gjinia: Koleksion
Autori: Thimi Nika
Shtëpia botuese: MediaPrint
Viti: 2013
Fq. 418
Pesha: 1.175 kg
ISBN: 978-9928-08-114-8
Mbi autorin
Thimi Nika ka lindur në Kukës më 11 shkurt 1949. Studimet e larta i ka kryer në Universitetin Shtetëror të Tiranës në Fakultetin e Shkencave Politiko – Juridike në korrik 1970. Në periudhën 1971 – 1997, ka punuar si gazetar dhe drejtues në disa organe të shtypit të shkruar dhe atij radiofonik.
Nga viti 1997 e në vijim punon në Ministrinë e Punëve të Jashtme të Shqipërisë. Në vitin 1982 mbaron me gradën shkencore "Kandidat i Shkencave" dhe nga viti 1995 është "Doktor i Shkencave". Ka gjithashtu titullin "Docent".
Thimi Nika është koleksionist. Koleksionon pulla dhe histori postare shqiptare (ka marrë pjesë në disa ekspozita filatelike brenda dhe jashtë vendit); koleksionon piktura (ka çelur pesë ekspozita pikture); koleksionon gjithashtu monedha e kartëmonedha shqiptare, kartolina dhe fotografi shqiptare.
Duke qenë njëkohësisht studiues në fushën e filatelisë, aktualisht drejton, si kryeredaktor, revistën "Koleksionisti", organ i Shoqatës së Koleksionistëve të Shqipërisë. Është prej një kohe të gjatë anëtar i Komisionit Shtetëror të Pullës. Thimi Nika është autor edhe i dy librave të tjerë.
