Albania, un voyage photographique 1858-1945, Loic Chauvin, Christian Raby

Titulli: Albania, un voyage photographique 1858 – 1945
Origjinali: Albania, un voyage photographique 1858 – 1945
Gjinia: Arte të bukura, fotografia
Autori: Loic Chauvin, Christian Raby
Shqipëroi: David Pickering, Elise Biggers
Shtëpia botuese: Ecrits de Lumiere
Viti: 2011
Fq. 128
Pesha: 0.331 kg
ISBN: 978-2-9538669-0-2

Mbi librin

Shqipëria një rrugëtim fotografik (1858-1945) paraqitur nga Loïc Chauvin et Christian Raby. Shqipëria vazhdon të mos përmendet në historinë botërore të fotografisë. Asnjë referim, kurrfarë emri nuk sillet si shembull për të treguar se ky vend ka pasur sa e sa artistë të talentuar në këtë fushë.

Madje edhe dinastia e pashoqe e Marubëve mbetet jo aq e njohur sa ç'e meriton. E pra, janë të pakta ato vende që mund të krenohen si trualli ku lulëzuan kaq fotografë të shquar për një shekull të tërë, që prej fillimeve të fotografisë, kur Shqipëria ende bënte pjesë në Perandorinë Osmane, deri në vendosjen e regjimit komunist të Enver Hoxhës më 1946, fill pas Luftës së Dytë Botërore.

Pikërisht kjo është koha e artë që duam të tregojmë në këto faqe, nga viti 1858, data e të parës fotografi të njohur si shqiptare, deri në fund të viteve 1940. Shqipëria ka pa pikë dyshimi një trashëgimi fotografike të pashembullt në Ballkan, e cila mbetet deri më sot e panjohur për shumëkënd, si përtej kufijve ashtu dhe brenda vetë këtij vendi. Shumica dërrmuese e pamjeve që po paraqesim në këtë libër nuk kanë qenë kurrë objekt ekspozimi, as botimi.