• Banner

  • Ka mbaruar

Arkitektura dhe diktatura, Petraq Kolevica

Libri "Arkitektura dhe Diktatura" ndjek jetën e pasur të inxhinierit, artistit dhe intelektualit Petraq Kolevica që nga lindja e rinia në Korcën e viteve '40-50 e deri në zgjedhjen deputet e kryesimin e shoqatës së parë të arkitektëve shqiptarë në vitet '90.

850 Lekë
Sasia
Ka mbaruar

Përshkrimi

Titulli: Arkitektura dhe diktatura
Origjinali: Arkitektura dhe diktatura
Gjinia: Arkitekturë
Autori: Petraq Kolevica
Shtëpia botuese: Logoreci
Viti: 2004
Fq. 266
Pesha: 0.361 kg
ISBN: 978-99927-937-7-5

Mbi librin

Libri "Arkitektura dhe Diktatura" ndjek jetën e pasur të inxhinierit, artistit dhe intelektualit Petraq Kolevica që nga lindja e rinia në Korcën e viteve '40-50 e deri në zgjedhjen deputet e kryesimin e shoqatës së parë të arkitektëve shqiptarë në vitet '90. Libri është interesant nga pikëpamja historike edhe pse fatkeqësisht ndalet relativisht shkurt në pjesën analitike dhe teorike të arkitekturës së krijuar gjatë viteve të komunizmit.

Kapitujt e parë bëjnë një përmbledhje mjaft interesante te vegjëlisë së inxhinierit në Korçë. Ndihet njëherazi melankolia për rininë e njëkohësisht kurioziteti i një djali të ri në një nga qytetet më të kulturuara të Shqipërisë.

Me përfundimin e shkollës së mesme, Kolevica zgjedh e zgjidhet të studjojë inxhinieri ndërtimi pranë Fakultetit të Inxhinierisë së Ndërtimit në Tiranë. Ai tregon mbi jetën në konviktet e Tiranës, mjerimin dhe varfërinë – por njëkohësisht dhe kënaqësinë universale të një të riu larg shtëpisë i cili i përshtatet jetës në qytetin më të madh të vendit.

Më pas libri merr një trajtë më të fokusuar drejt arkitekturës. Inxhinier Kolevica përmbledh karrierën e tij profesionale nëpërmjet ndërtesave kryesore të projektuara prej tij: nga ndërtesa pas Bankës Qëndrore në Tiranë e deri tek pjesmarrja në skuadrën e projektimit të Muzeut Kombëtar.

Me çdo ndërtesë, Kolevica shtjellon prapaskenat e ndërtimit, ndikimin e politikës në artin dhe arkitekturën e kohës, si dhe mënyrën se si projektimi funksiononte gjatë viteve të komunizmit në Shqipëri. Vihet re dukshëm ndikimi modernist në arkitekturën e Kolevicës sidomos kur merr parasysh rreziqet dhe vështirësite e kohës.

Interesante janë ndodhitë e arkitektëve tek mundoheshin me çmundeshin të shihnin një "cope aeroporti apo stacioni treni" – siç shprehet Kolevica – në udhëtimet e shkurtra me karakter profesional jashtë Shqipërise. Tjetër element që shfaqet shpesh e që tregon një kontrast të fortë me praktikën e sotme është mungesa e gjerë e literaturës dhe referencave profesionale qoftë praktike ashtu edhe teorike.

Kjo e bënte Kolevicën qe çdo herë që i binte një liber a një revistë e re në dorë, ta gllabërtonte një a më shumë herë, e kësisoj të mësonte çdo detaj të ndërtesave të eskpozuara aty – në njëfarë mënyre arkitektët e izoluar nga referencat e huaja tentonin të nxirrnin ç'te mundeshin nga ato pak informacione që kishin. Sot ndërkohë informacioni është pafundësisht i gjerë, e mbase pikërisht për këtë shkak mungon studimi i thellë i çfarëdo libri apo reviste, e kryesisht këtyre i bëhet një lexim sipërfaqësor e i përciptë.

Libri përfundon me njëfarë zhgënjimi nga autori me sistemin e ri – ndihet pakënaqësia e tij me kohën. Për shembull autori shprehet tejet i indinjuar me dekorimin me ngjyra që i bëhet ndërtesës pas bankës qendrore pas zgjedhjes së Edi Ramës në krye të bashkisë së Tiranës. Ai e quan vulgare ndërhyrjen ne punën e tij dhe pretendon se mjaft miq të tij arkitektë e mendonin si ai por nuk shpreheshin.

Në kontekstin e hisorisë së suksesit që lyerja e pallateve gri të Tiranës lexohet sot, të bën përshtypje reagimi i Kolevicës në gazetat e kohës. Duket sikur padashje ai mbyll një qark vicioz universal që shkon përtej formës politike të drejtimit të shtetit. Kolevica ishte i porsadiplomuari kritik mbi zgjedhjet dhe formën arkitektonike dhe urbanistike të kohës.

Ai pranon dhe në libër se shumë nga zgjedhjet e bëra në Ndërmarrjen Projekti apo në Institut të Projektimit ishin tërësisht ideologjike e aspak moderne. Është sërish ai, që tashmë përfaqëson arkitektin e pastër modernist, i cili ndihet i kritikuar nga idetë e reja dekorative – deri diku postmoderne të viteve 2000.

Besoj libri është mjaft interesant për të gjithë, por sidomos për arkitektët dhe urbanistët që nuk kanë jetuar apo punuar gjatë viteve të komunizmit. Ai na jep një perspektivë të gjerë edhe pse sipërfaqësore të një praktike arkitektonike tërësisht të ndryshme nga ajo e sotmja.

Marrë nga www.tiranare.com

Detajet e librit
Te tjere
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Botuesi: Mitrush Kuteli

Varri i fshehtë, Petraq Kolevica

Këtë roman, kushdo që mund ta fillojë, nuk do të mundë ta lëshojë nga dora pa e përfunduar, sepse shpesh e më shpesh do të tronditet, revoltohet dhe pa dyshim do të përlotet nga përshkrimet e gjalla të dramave të rënda që u shkakton diktatura gjakatare e asaj kohe, personazheve të vërteta të romanit.

Çmimi 650 Lekë
More
Në gjendje

Botuesi: Mitrush Kuteli

Me Mitrush Kutelin, Petraq Kolevica

Isha nja njëzet e tetë vjeç, ndërsa Mitrushi rreth të pesëdhjetë e pesave, kur po ngjiteshim nëpër rrugën "Katër Dëshmorët", për të shkuar te shtëpia e tij. Ishte një mbasdite fundvjeshte e vrenjtur dhe e ftohtë. Fjalët na ishin mbaruar.

Çmimi 500 Lekë
More
Në gjendje

Botuesi: Mitrush Kuteli

Zëri im, Petraq Kolevica

Një arkitekt modern që nuk është në të njëjtën kohë urbanist, është një absurditet i krahasueshëm me një mjek që përdor magjinë për të shëruar të sëmurët. Në të kundërtën, një urbanist që nuk është arkitekt është si ai mjeku që i kuron të sëmurët në bazë të librave të doktrinave shkencore pa i ekzaminuar.

Çmimi 750 Lekë
More
Në gjendje
16 libra të tjera në këtë kategori:

Botuesi: Fan Noli

Jetët e artistëve, Giorgio Vasari

Vazari i shihte fillesat e shekullit XIII dhe XIV, të përfaqësuara nga Çimabue dhe Xhioto, si fëmijërinë e artit, e pasuar nga një energji rinore, e cila do të merrte trajtë në vepra të atilla si ato të Donatelos, Bruneleskit, Gibertit dhe Mazaçios, dhe më pas në periudhën e pjekurisë së përsosmërisë, e sunduar nga figurat titaneske të Leonardos, Rafaelos...

Çmimi 3 000 Lekë
More
Në gjendje

Referenca: 2340

Botuesi: Dituria

Historia e arkitekturës moderne, vëllimi i dytë, Bruno Zevi

Në këtë vëllim, historia është zgjeruar me itinerarin organik amerikan, ku shkëlqen gjenia e Frank Lloyd Wright dhe me kontributet komplekse gjuhësore të 45 viteve të fundit, të iniciuara nga Scharoun, Pietilä, Utzon, Gehry. Arkitektura moderne po bëhet gjithnjë e më e diferencuar pa humbur identitetin e vet.

Çmimi 2 500 Lekë
More
Ne gjendje

Botuesi: Onufri

Shqiperia ne art, Ferid Hudhri

"Shqipëria në art" paraqitet si një enciklopedi e kujtesës figurative për historinë, kulturën dhe trashëgiminë kombëtare. Përmes statujave, mozaikëve, afreskeve, pikturave, gravurave, litografive, grafikave, akuareleve, të krijuara nga kohët më të hershme deri në ditët tona, njihemi me aspekte nga më të ndryshmet të jetës në trojet e banuara prej...

Çmimi 6 000 Lekë
More
Në gjendje

Referenca: SKU001453

Botuesi: Te tjere

Albania Through Arts, Ferid Hudhri

Seen through the eyes of artists, even a small country like Albania appears full of variety and unique. Over the course of many, many years of research, through gathering endless artistic images, the most important aspects of Albanian life and history have been perpetuated. However, only a marginal part of these works have become known or published.

Çmimi 4 950 Lekë
More
Ne gjendje

Botuesi: Te tjere

100 fotografite qe ndryshuan boten

100 fotografitë më të famshme në historinë bashkëkohore, shkrepje që i treguan botës çastet që kanë bërë epokë dhe pikat pa kthim, imazhe, të cilat përmes forcës së tyre shprehëse trazuan vetëdije njerëzore dhe nxitën ndryshime në politikë dhe në shoqëri.

Çmimi 2 200 Lekë
More
Në gjendje

Referenca: SKU001550

Botuesi: Princi

Mbi skulpturën, Leon Battista Albertini

Botimi që po ju paraqesim, redaktuar dhe renditur (në italisht) nga Marco Collareta, është mbështetur në versionin original në gjuhën latine dhe na lejon të kuptojmë plotësisht e një teksti thelbësor mbi teorinë e origjinës së figurave (imazheve).

Çmimi 400 Lekë
More
Ne gjendje
Përshtypjet (0)