Titulli: Medaljet shqiptare (1914-2002), vëllimi i parë dhe i dytë/ Albanian Medals (1914-2002) first and second volume (kopertinë e trashë)
Origjinali: Medaljet shqiptare (1914-2002) vëllimi i parë dhe i dytë/ Albanian Medals (1914-2002) first and second volume
Gjinia: Koleksion (botim dygjuhësh shqip dhe anglisht)
Autori: Artan Lame
Shtepia botuese: Toena
Viti: 2010
Fq. 454
Pesha: 2.592 kg.
ISBN: 978-99943-1-593-2
Fragment nga libri
Medaljet, së bashku me pullat dhe monedhat, përbëjnë një nga simbolet më shprehëse të "Unit" të një shteti, të përpjekjeve të tij për të afirmuar popullin e vet, veçantinë e tij, gjurmën e tij mbi Glob. Në rastin e Shtetit Shqiptar, gjejmë rikonfirmimin e përjetshëm të kësaj. Madje, në rastin tonë, kemi edhe provën e njëmijtë të mbizotërimit në subkoshiencën e shqiptarit të ndjenjës së nderit mbi gjerat material të kësaj bote.
Kështu, Shteti Shqiptar, i lindur më 1912, ka më 1914 dekoratën e vet ndërsa pret vitin 1925 për të patur monedhën e vet. Një nga degët e shkencës së historisë, është ajo ku futen disiplinat me karakter figurative. Si të tilla mund të përmendim Heraldikën, Filatelinë, Numizmatikën, Medalistikën, Faleristikën, Sigjilografinë, Simbolikën ushtarake, e shumë të tjera.
Shumë nga këto disiplina në Shqipëri nuk njihen e disa janë në hapat e para. Medalistika , në literaturën historike shqiptare, mund të konsiderohet si "tabula rasa". Ky libër, është përpjekja e parë në këtë fushë kaq prekshëm të bukur dhe për këtë ndjehem i përkëdhelur në sedrën e koleksionistit dhe pasionin e kërkuesit.
Origjina e urdhrave dhe dekoratave të sotme, gjendet në urdhrat fetarë dhe më tej edhe kalorsiakë të mesjetës së shekujve XII dhe XIII, të krijuar fillimisht si bashkime të ngushta njerëzish të zgjedhur, detyra e shenjte e të cilëve lidhej me çlirimin e Varrit të Shenjtë në Jeruzalem nga të pafetë. Përmendim këtu Urdhrin e Kalorësve Tempullarë, Teutonë etj.
