Vepra, Thimi Mitko

Titulli: Vepra (kopertina e trashë)
Origjinali: Vepra
Gjinia: Folklor
Autori: Thimi Mitko
Shtëpia botuese: Akademia e Shkencave e RPS të Shqipërisë, Instituti i Kulturës Popullore
Viti: 1981
Fq. 758
Pesha: 0.763 kg.

Mbi librin

Me rastin e 100 vjetorit të botimit të monumentit më të rëndësishëm folklorik të së kaluarës, "Bletës shqiptare", po jepet, bashkë me një ribotim të zgjeruar të kësaj vepre, edhe një përmbledhje e shkrimeve të autorit të saj, rilindësit tonë të shquar, Thimi Mitko.

Ky vëllim, që përgatitet në kuadrin e trashëgimit kulturor të popullit shqiptar, të ndërmarrë nga Akademia e Shkencave e RPS të Shqipërisë, përfshin veprimtarinë patriotike, folklorike, gjuhësire, publicistike e letrare të Thimi Mitkos.

Para Çlirimit, me gjithë vendin shumë të nderuar që zinte në historinë e Rilindjes sonë kombëtare figura e këtij patrioti, nuk ka pasur veçse një ribotim të "Bletës shqiptare" më 1924 në Vjenë. Pas Çlirimit u vlerësua gjithshka pozitive e trashëguar nga e kaluara, edhe figura e Thimi Mitkos u vu midis përfaqësuesve më të shquar të rilindësve tanë.