Tesi i DErbervileve, Thomas Hardy, pershtatje per femije

Titulli: Tesi i D'Erbërvilëve (përshtatje për fëmijë)
Origjinali: Tess of the D'Urbervelles
Gjinia: Roman
Autori: Thomas Hardy
Shqipëroi: Marsela Xhyheri
Shtëpia botuese: Ideart
Viti: 2004
Fq. 168
Pesha: 0.191 kg.
ISBN: 978-99927-939-7-X

Mbi librin

Ky libër është botuar për herë të parë më 1891 dhe është një nga historitë më prekëse ku flitet për ndjenjat e një vajze të re. Ëshë jeta e një vajze të re, e shkatërruar ngadalë, por parreshtur jo nga armiqtë e saj, por nga njerëzit që thonë se e duan.

Trishtohesh nga fakti se gabimet shihen, gabimet ndodhin dhe njeriu nuk është i aftë t'i ndalojë. Tesi është një vajzë që e mbyt lumturinë. Jeta e saj mund të ishte kaq e lumtur, por njeriu i duhur për të është i pavendosur, ndërsa burri i gabuar e gjen i pari.

Mbi autorin

Tomas Hardi (1840 – 1928) lindi në fshatin Dorset. Ai e donte shumë mënyrën e jetesës dhe traditat e fshatit, të cilat ishin pjesë e rëndësishme e fëmijërisë së tij dhe e mjedisit familjar ku u rrit. I ati, përveçse një gurgdhendës, drejtonte një kor dhe këndonte në të. Kështu, edhe të birin filloi ta tërhiqte arkitektura e kishave dhe iu rrit më shumë dashuria për muzikën.

Në moshën gjashtëmbëdhjetë vjeçare, Hardi filloi studimet në Dorçester për arkitekturë kishash. E ëma i dha zemër për të vazhduar studimet edhe më tej. Kështu, ai vazhdoi me leximet e historive greke e latine. Në moshën 22 vjeçare shkoi në Londër ku filloi të punonte si arkitekt dhe në të njëjtën kohë nisi edhe të shkruante. Kur zbuloi se botuesit nuk e pëlqenin poezinë e tij, ai filloi të shkruante novela dhe botoi një novelë në vit nga viti 1871 deri në 1875.

Novela më e njohur e tij ishte "Larg turmës së çmendur", e cila u botua më 1874. Kështu, vazhdoi të shkruante novela të shkurtra, përfshirë këtu edhe librin "Zona e Pyjeve", i cili u prit me entuziazëm të madh nga publiku. Megjithatë, kur në vitin 1891 u botua libri "Tesi i D'Erbërvilëve", ai u kritikua për fundin tragjik dhe për përshkrimin e jetës së vështirë të fshatit.

Dhe kur në vitin 1896 botoi "Tradhtar dhe i panjohur", edhe kritika, edhe publiku protestoi fuqishëm për dëshpërimin dhe humbjen e shpresës që mbizotëronte në libër. Pas këtyre sulmeve për punën e tij, Hardi nuk shkroi më novela. Ai iu kthye dashurisë së tij të parë, poezisë, dhe gjatë tridhjetë viteve të fundit të jetës së tij botoi tetë vëllime me poezi.