Titulli: Drakula (përshtatje për fëmijë)
Origjinali: Drackula
Gjinia: Roman
Autori: Bram Stocker
Shqipëroi: Gent Osmani
Shtëpia botuese: Ideart
Viti: 2003
Fq. 72
Pesha: 0.114 kg.
ISBN: 978-99943-637-2-7
Mbi librin
Në pranverën e vitit 1875, Xhonatan Harkeri udhëton për në Transilvani për të vizituar shtëpinë e Kontit Drakula. Xhonatani në të vërtetë nuk dëshiron të shkojë sepse pas disa muajsh do të martohet me bukuroshen e tij, Minën, dhe nuk dëshiron ta lërë atë vetëm. Gjatë kohës që qëndron në kështjellë, ai mban një ditar dhe çdo ditë ka shumë histori të tmerrshme për të shkruar.
Përse ai e sheh Kontin Drakula vetëm natën? Përse nuk mund ta shohë Kontin në pasqyrë? Dhe kush janë tri gratë e bukura, me gojët e tyre të kuqe dhe dhëmbët të gjatë e të mprehtë që hyjnë natën në dhomën e tij?
Në Angli, Mina po qëndron me mikeshën e saj Lusin në një qytet buzë detit. Ajo pret për letrat e Xhonatanit, por ato nuk mbërrijnë dhe Mina është e frikësuar. Ndoshta Xhonatani është sëmurë ose në rrezik...
Mbi autorin
Bram Stoker lindi në Dublin të Irlandës në 1847. Pasi përfundoi studimet universitare atje, punoi për qeverinë dhe u martua në Dublin me një vajzë, e cila më parë kishte qenë e martuar me Oscar Wilde. Ashtu si Wilde, edhe Stoker ishte shumë i interesuar për teatrin dhe më 1878 shkoi në Londër ku u bë drejtues i biznesit të aktorit të famshëm Sir Henry Irving.
Së bashku ata drejtuan të suksesshmin "Lyceum Thetre" në Londër. Stoker u nda nga jeta në 1912. Drakula u botua në 1897. Për një kohë të gjatë ka pasur histori për vampirët në Europën Lindore dhe Stokeri që punoi me këtë roman për katër vjet, me sa duket, njihte shumë histori. Ai vetë thotë se historia e Drakulës iu shfaq një natë si një ëndërr e keqe pas një darke të gjatë me mish gaforreje.