Titulli: Robinson Kruzo (përshtatje për fëmijë)
Origjinali: The life and strange surprising adventures of Robinson Crusoe
Gjinia: Roman
Autori: Daniel Defoe
Shqipëroi: Silvana Leka
Shtëpia botuese: Ideart
Viti: 2003
Fq. 72
Pesha: 0.116 kg
ISBN: 978-99927-926-0-4
Mbi librin
Robinson Kruzo e kishte kaluar një pjesë të jetës i qetë në shtëpinë e tij në Angli. Ai vendosi të bëhej marinar dhe të lundronte në të gjitha detet e botës. Ai ka bërë shumë aventura tronditëse dhe emocionuese deri kur më 1659 ai u gjend në një anije duke udhëtuar nga Brazili në Afrikë. Një ditë shpërtheu një stuhi e tmerrshme. Anija filloi të çahej dhe shumë shpejt Robinsoni së bashku me shokët e tij gjenden në mes të dallgëve duke u përpjekur për shpëtim.
Të gjithë shokët vdiqën, ndërsa Kruzoja shpëtoi dhe jetoi në një skaj të vetmuar. Ai u gjend në një vend të çuditshëm, të egër: kishte mbetur gjallë, por i vetëm në një ishull të vogël, pa ushqim, pa anijen dhe pa asnjë rrugë shpëtimi. Dhe ai qëndroi atje për 27 vjet.
Mbi autorin
Daniel Defo lindi në Londër më 1660. Ai ishte djali i një kasapi të quajtur Xhejms Fo (Danieli më vonë e ndryshoi mbiemrin e tij në Defo sepse tingëllonte më bukur). Danieli i ri mëson në një shkollë fetare dhe më pas filloi tregtinë duke shitur dhe blerë mallra të ndryshëm. Kështu, ai udhëtoi në të gjithë Europën.
Daniel Defo luftoi kundër mbretit Xhejms ll dhe më vonë u bashkua me ushtrinë e mbretit Uilliam lll. Ai u burgos dy herë, sepse shkroi disa tekste kundër kishës dhe qeverisë. Daniel Defo punoi shumë edhe me gazetën e tij, në të cilën shkroi më shumë se 500 shkrime me emrin e vet, më shumë se çdo shkrimtar tjetër në gjuhën angleze.
Ai pati një jetë shumë aktive. Vdiq në 1731 në Londër. Kur ishte pothuajse 16 vjeç, Daniel Defo filloi të shkruante novela. Të kësaj periudhe janë veprat: "Kapiten Singëlltoni", "Moll Flanders" dhe "Roksana", por libri që e bëri të famshëm në të gjithë botën është "Robinson Kruzo". Kjo ishte novela e tij e parë, e shkruar më 1719 dhe pati sukses të menjëhershëm. Defoja u mbështet në historinë e vërtetë të një detari të quajtur Aleksandër Selkirk, i cili u braktis nga piratët në ishullin Juan Fernandes, një ishull i vogël në Oqeanin Paqësor.
Ai jetoi atje i vetmuar për katër vjet dhe mundi të largohej me ndihmën e një anijeje në vitin 1709. Shumë studiues letërsie e mbajnë Robinson Kruzonë si novelën e parë në krijimtarinë letrare angleze. Ajo është përkthyer në mjaft gjuhë të botës.
