Titulli: Frankenshtajn (përshtatje për fëmijë)
Origjinali: Frankestein
Gjinia: Roman
Autori: Mary Shelley
Shqipëroi: Erion Kristo
Shtëpia botuese: Ideart
Viti: 2004
Fq. 88
Pesha: 0.132 kg.
ISBN: 978-99943-637-5-1
Mbi librin
Kjo është një histori e vjetër dhe e re. E vjetër, sepse është shkruar 180 vjet më parë; e re ngase problemi i Frankenshtajnit është i njëllojtë me atë të shkencëtarëve të sotëm. Shkenca na ka dhuruar shumë zbulime të mrekullueshme: makina, kompjutera, armë, por si t'i përdorim këto zbulime? A do të na sjellin ato një jetë më të mirë apo në fund do të na shkatërrojnë?
Viktor Frankenshtajni krijoi një njeri të ri, më të madh dhe më të fortë sesa çdo njeri tjetër: një përbindësh të stërmadh dhe të frikshëm. Por edhe përbindëshi kërkon dashuri dhe kur krijuesi ia mbathi larg prej tij, përbindëshi filloi të shkatërronte gjithçka që Frankenshtajni dashuronte.
Mbi autoren
Mary Shelley (1797 – 1851) ishte e bija e William Goldwin – it dhe Mary Wollstoncraft – it, të dy shkrimtarë dhe njerëz të shquar të kohës së tyre. Kur Mary ishte gjashtëmbëdhjetë vjeç ia mbathi në Europë me poetin e famshëm anglez Percy Shelley dhe u martua me të pas dy vjetësh, pas vdekjes së gruas së tij.
Për katër vjet ata jetuan në Itali derisa Shelley vdiq në vitin 1822 dhe Mary u kthye në Angli me birin e tyre Percy – n. Ajo shkroi shumë libra gjatë jetës së saj, por sot ajo mbahet mend për novelën e saj të parë "Frankenshtajn". Ideja për këtë histori të famshme i lindi kur ajo dhe i shoqi po qëndronin me Lord Bajronin, një poet tjetër i mirënjohur anglez, në vilën e tij në liqenin e Gjenevës. Një natë me stuhi, Bajroni sugjeroi se gjithkush duhej të shkruante një histori me lugetër.
Në fillim, Mary nuk kishte asnjë mendim, por më vonë ajo pa një ëndërr kur iu shfaq përbindëshi dhe kështu lindi Frankenshtajni. Kur ajo shkroi novelën ishte vetëm nëntëmbëdhjetë vjeç dhe priste një fëmijë. Dy nga fëmijët e saj kishin vdekur të vegjël dhe mund të shihet te kjo novelë frika e saj dhe shqetësimet rreth shtatzanisë, lindjes së fëmijës dhe rritjes së fëmijës më vonë.
