Pese femijet dhe magjistari i reres, Edith Nesbit, pershtatje per femije

Titulli: Pesë fëmijët dhe magjistari i rërës (përshtatje për fëmijë)
Origjinali: Five children and it
Gjinia: Roman
Autori: Edith Nesbit
Shqipëroi: Alba Joganxhi
Shtëpia botuese: Ideart
Viti: 2003
Fq. 72
Pesha: 0.111 kg.
ISBN: 978-99927-939-8-8

Mbi librin

Është një Semied, një magjistar rëre, të cilën fëmijët e gjetën një ditë teksa po gërmonin në një grumbull rëre. Është mijëra vjeçar dhe Semiedët sigurisht mund të plotësojnë dëshira, një të tillë në ditë dhe dëshira mbaron kur perëndon dielli.

Entia, Sirili, Roberti dhe Xhejn mendojnë se kjo gjë është e mrekullueshme. Vëllai i tyre bebe, tepër i vogël për të patur dëshira, në të shumtën e rasteve rri në shtëpi, ndërsa të tjerët bëjnë plane dhe shprehin dëshira për gjëra të bukura.

Por çfarë? Të jesh i bukur, i pasur, të fluturosh is zog? Shpesh është e vështirë të mendosh dëshira me të vërtetë të bukura dhe është shumë e lehtë të thuash "Ah, sikur..." dhe pastaj dëshira të plotësohet, por jo ashtu siç mendon ti. Semiedi nuk mund të të vijë në ndihmë.
-Përse nuk mendoheni mirë përpara se të shprehni një dëshirë? – tha ai me inat, kurse fëmijët kërkonin gjëra që ai e dinte se do t'i sillnin telashe.Shpeshherë gjërat me të vërtetë nuk shkojnë siç duhet...

Mbi autorin

Edith Nesbit lindi në Londër në vitin 1858, por ajo kaloi shumë nga vitet e para të jetës së saj në Gjermani dhe në Francë. Asaj nuk i pëlqente shkolla dhe u përpoq të ikte nga njëra prej tyre, por adhuronte leximin dhe lexonte çdo libër që mund të gjente. Familja e saj u kthye në Angli dhe në vitin 1880 Edith u martua me Hjubert Bland.

Kur Hjubert u sëmur, Edith duhej të punonte për të nxjerrë të holla për ata të dy, kështu që ajo shkroi poezi dhe tregime nëpër gazeta. Ajo ka shkruar gjatë gjithë jetës së saj, e cila ka qenë tepër e ngarkuar. Ajo kishte pesë fëmijë (dy prej të cilëve i kishte adoptuar).

Në vitin 1899, ajo së bashku me Hjubertin lëvizën në Kent, në një shtëpi të vjetër dhe të bukur e cila quhej Uell Holl, të cilin Edithi e pëlqente shumë. Atje, në atë shtëpi, çifti Blands u bënë të shquar për mbrëmjet që ata organizonin gjatë fundjavës. Shumë shkrimtarë të njohur vinin në këto mbrëmje. Hjubert Bland vdiq më 1914.

Më vonë, Edith u martua sërish. Ajo vdiq në Kent në vitin 1924. Edith Nesbit vetë ka thënë se ajo ishte "një fëmijë në një botë të rriturish" dhe në shkrimet e saj ajo kurrë nuk harroi se çfarë do të thoshte të ishte fëmijë. Librat e saj më të njohur për fëmijë janë: "Historia e kërkuesve të thesarit" dhe "Fëmijët e hekurudhës".