Cezari i Ballkanit, Peter Lucas

Titulli: Çezari i Ballkanit
Origjinali: Balkan Caesar
Gjinia: Histori
Autori: Peter Lucas
Shqipëroi: Aurel Manushi
Shtëpia botuese: Bota Shqiptare
Viti: 2009Fq. 408
Pesha: 0.48 kg
ISBN: 978-99956-11-47-7

Mbi librin

"Çezari i Ballkanit" është historia e pa treguar më parë e një grupi të vogël ushtarësh amerikanë të OSS - së (Zyrës së Shërbimeve Strategjike) që luftuan nazizmin, pas vijës së armikut në Shqipëri, gjatë Luftës së Dytë Botërore. Është libër i bazuar në fakte dhe ngjarje të vërteta. Me shpërthimin e Luftës, OSS, paraardhëse e CIA - s, rekruton të rinj, të cilët ishin të gatshëm të ktheheshin fshehurazi në vendet e paraardhësve të tyre europianë, për të sabotuar makinerinë naziste e për të ndihmuar rezistencën antifashiste në këto vende. Në Boston ata gjetën pinjollë të familjeve shqiptare të vendosura në Amerikë, të cilët ishin të gatshëm të ndihmonin për çlirimin e Shqipërisë. Historia vërtitet rreth Tom Stevens, një i ri idealist, i cili flet rrjedhshëm shqipen. Për të mbledhur sa më tepër informata atij i duhej që të lidhej me Enver Hoxhën, kreun e lëvizjes Nacional çlirimtare, një i ri i pashëm, karizmatik, i edukuar në Paris. Kur mbërriti në Shqipëri, Stevens kuptoi se nazistët nuk ishin e keqja e vetme; Shqipëria ndodhej në mes të një lufte civile. Ishte e vështirë për të kuptuar se kujt i duhej besuar. Në roman përshkruhen figura si Enver Hoxha, Mehmet Shehu, Baba Faja Martaneshi, Omer Nishani etj. Përshkrimi i tyre bëhet mbi bazën që vetë autori ka pasur me këto personazhe, gjatë periudhës që ai ka ardhur në Shqipëri, gjatë Luftës së Dytë Botërore. Duke qenë një roman, linja historike gërshetohet me krijimtarinë e mirëfilltë, çka e bën librin më tërheqës për lexuesin. Autori i tij, Peter Lucas është një gazetar veteran nga Bostoni, fitues i shumë çmimeve në gazetari. "Çezari i Ballkanit" është vetëm një nga librat që ai ka shkruar në lidhje me Shqipërinë. Koment nga Dr. Fatos Tarifa Nonjëherë pyes veten se çfarë librash duhen blerë për t'u argëtuar dhe për të mësuar në të njëjtën kohë? Peter Lucas e ka këtë përgjigje në romanin e tij tërheqës, emocionues dhe tepër interesant mbi luftën, intrigën dhe romancën. Çdokush që nis ta lexojë nuk do ta ketë të lehtë të shkëputet prej tij. Njohuritë e autorit mbi subjektin janë të thella, si dhe dhembshuria për njerëzit (amerikanët dhe shqiptarët që jetojnë në faqet e "Çezari i Ballkanit") është shumë prekëse. Romani është shkruar kaq fuqishëm saqë mund të bëhet një nga përvojat më magjepsëse dhe më të paharrueshme të leximit tuaj. Të mbetet gjatë në mendje ashtu sikurse vetëm libri më i mirë mundet. Nëse Peter Lucas do të krahasohej me shkrimtarë të tjerë ai do të vihej përkrah Ismail Kadaresë dhe Ernest Heminguejit. Mbi autorin Peter Lucas është lindur dhe rritur në Boston dhe ka kryer studimet në Universitetin e Bostonit. Ai ka shërbyer në Ushtrinë Amerikane në Gjermani. Peter Lucas është gazetar veteran dhe fitues i shumë çmimeve. Gjatë karrierës së gjatë, Lucas ka qenë në gjithë Amerikën dhe rreth botës, ku ai ka mbuluar ngjarje që nga politika e Bostonit dhe fushatat elektorale në vend deri në luftën në Vietnam, problemet në Irlandën e Veriut, Kubë, Amerikën Qendrore, si dhe rënien e komunizmit në Shqipëri dhe Ballkan. Ai ka mbuluar demonstrimet gjatë Konventës Demokratike në Çikago në vitin 1968, ka intervistuar Fidel Kastron në Havana, si dhe ka mbuluar bombardimet e Serbisë nga NATO në vitin 1999. Ai ka punuar si reporter politik dhe kolumnist për Boston Globe dhe Boston Herald dhe ka shkruar për Boston Phoenix.