Titulli: Nelson Mandela, portret në foto e fjalë
Origjinali: Nelson Mandela, a portrait in words and pictures
Gjinia: Histori
Autori:Nelson Mandela
Shqipëroi: Anxhela Çikopano
Shtëpia botuese: Pegi
Viti: 2013
Fq. 140
Pesha: 0.447 kg
ISBN: 978-9928-4197-2-9
Koment nga Barack Obama
I nderuar nga mbarë bota për kurajën e pamasë dhe fuqinë e tij të moralit, Nelson Mandela shihet si simbol i shpresës dhe i mundësive të pajtimit. Jeta e tij, kushtuar përpjekjeve për bashkimin dhe demokratizimin e Afrikës së Jugut, vijon të jetë burim frymëzimi; në shekullin XXI, mesazhet e tij jehojnë më të fuqishme e më të domosdoshme se kurrë.
I autorizuar nga Nelson Mandela dhe i botuar në bashkëpunim me Qendrën e Kujtesës "Nelson Mandela", libri "Nelson Mandela, portret në foto e fjalë" skicon jetën e Mandela – s nëpërmjet imazheve dhe citimeve të përzgjedhura me kujdes, shumica e të cilave janë marrë nga arkivi i tij personal, për të nxjerrë në pah humanizmin, modestinë dhe fuqinë e këtij njeriu frymëzues.
Jeta e Nelson Mandela – s është historia e njeriut që i bëri ballë cinizmit dhe dëshpërimit që aq shpesh mundojnë botën. Nga një i burgosur u bë njeri i lirë; nga një figurë luftëtare u bë një zë i pasionuar për pajtimin; nga udhëheqësi i një partie u bë president i një vendi të tërë dhe i hapi rrugën demokracisë dhe zhvillimit. Ai ka bërë aq shumë për të ndryshuar vendin e tij, edhe botën, sa është e vështirë ta përfytyrosh historinë e këtyre dekadave të fundit pa të.
Mbi autorin
Nelson Mandela lindi në Transkei të Afrikës së Jugut më 18 korrik 1918. Ai u bë pjesë e Kongresit Kombëtar të Afrikës më 1944 dhe pas vitit 1948 u përfshi në rezistencën kundër politikave të aparteidit të Partisë Kombëtare në pushtet, gjë që çoi në arrestimin e tij, në gusht të vitit 1962.
Për rreth 27 vjet me radhë ai vuajti dënimin në burgje të ndryshme dhe gjatë kësaj periudhe, reputacioni i tij si simbol kryesor i lëvizjes së rezistencës kundër aparteidit, u forcua edhe më tej. U lirua nga burgu më 1990. Më 1993, Mandela fitoi çmimin Nobel për paqen dhe më 1994 u shpall presidenti i parë i zgjedhur në mënyrë demokratike në Afrikën e Jugut.
