Titulli: Jordan Belfort, Ujku i Wall Street – it
Origjinali: Jordan Belfort, The Wolf of Wall Street
Gjinia: Autobiografi
Autori: Jordan Belfort
Shqipëroi: Florenc Mene
Shtëpia botuese: Onufri
Viti: 2014
Fq. 608
Pesha: 0.944 kg
ISBN: 978-9928-186-08-9
Mbi librin
Ditën bënte mijëra dollarë në minutë. Natën i shpenzonte me sa furi të mundej. Nga ahengu i shfrenuar që fundosi një jaht 50 metërsh dhe i solli një faturë hoteli 700 mijë dollarëshe, e deri tek e shoqja me fëmijët që e prisnin në shtëpi dhe agjentët e rinj e mbushamendës të bursës, që vdisnin për festa dhe që e thërrisnin mbret, këtu, me fjalët e vetë Jordan Belfort – it, jepet historia e gjeniut yllshuar që e quanin "Ujku i Wall Street – it".
Në vitet '90, Belfort u bë një nga strumbullarët më famëkëqinj të financave amerikane: një mashtrues aksionesh, i shkëlqyer dhe komplotues, i cili e nxori turmën e trimave të vet nga Wall Street dhe e çoi në një zyrë të stërmadhe në Long Island për një aventurë të papërmbajtur.
Është një rrëfim i jashtëzakonshëm lakmie, pushteti dhe teprie, që s'mund ta shpikte dot kurrkush: historia e një djali të zakonshëm që kaloi nga shitja e akullit italian në rrugë te fitimi i qindra miliona dollarëve... derisa gjithçka e mori lumi.
Komente mbi librin
"Jetëshkrim magjepsës dhe tërheqës."
Player
"Është i parafinuar, pa dyshim dhe vulgar... si dhe një lexim që të heq trurin... zbavitës si libër sensacionesh, por i vërtetë si padi federale."
Cirkus Reviews
"Një rrëfim i pushtetit dhe i paturpësisë amerikane, që do ta bënte krenar Tony Soprano – n... Në këtë rrëfim të lakmisë amerikane të fundshekullit të njëzetë, Belfort demonstron se , qoftë kur bursa është optimiste apo pesimiste, ata që e bëjnë interesante janë ujqit."
Hampton Sheet
"Proza e tij përmban një aspekt obsesiv dhe të rrëmbyer që i bën jehonë prozës së heronjve të tij, Tom Wolfe dhe Hunter S. Thompson... Belfort ia del t'i rrëfejë ndodhitë në një mënyrë që nxjerr në pah edhe shthurjen, edhe cënueshmërinë e tij."
The New York Times
"Për ata që s'e njohin plotësisht Wall Street – in është i rëndësishëm leximi i këtij libri. Mendojeni si vizitë në ato lloj skutash të skenës financiare të bursës, ana e errët e së cilës, në forma të ndryshme, është gjithmonë e pranishme. Për ata që kanë më tepër përvojë, ky mund të përbëjë një lexim të thjeshtë, të qartë dhe zbavitës."
The Street
"Ngritja si raketë e Belfort – it nga shitja e akullit italian me karrocë dore deri te një pasuri e papërfytyrueshme... dhe, pastaj, pothuajse po aq shpejt, te rënia në burg... është pothuajse po aq zbavitëse (nga largësia) sa dhe tronditëse falë humorit të zymtë dhe ndjenjës komike e vetëkritike të tij."
Sullivan County Democrat
"Me imtësi komike dhe gojëndyrë, ai rrëfen ngritjen e vet mediokre në botën e financave... Kujtimet e Belfort – it, shpesh tërheqëse, të mprehta, komike dhe çapkëne, përbëjnë kënaqësi të vërtetë e të ashpër. Nota 10."
Rocky Mountain News
"Ky libër të bën të shkulesh së qeshuri."
Sunday Times
"Kryqëzimi i Flakadanit të kotësive të Tom Wolfe – t me Njerëzit e Mirë të Scorcese – s... Belfort ka prekjen e Midës."
The Sunday Times
