• Banner

Xhelal Berberi, flamurtar i shqipes, Jasin Berberi

2930

Libri që kemi në dorë, kushtuar jetës dhe veprimtarisë së "Mësuesit të Popullit", Xhelal Berberit, është një veprim i lavdëruar që zgjon kujtesën historike të brezave, rrit krenarinë kombëtare dhe përcjell thirrje të qarta dhe nxitje të mbara për të shkruar me po aq patos e përgjegjësi faqet e historisë bashkëkohore.

1 200 Lekë
Sasia
Ne gjendje

Përshkrimi

Titulli: Xhelal Berberi, flamurtar i shqipes (kopertinë e trashë)
Origjinali: Xhelal Berberi, flamurtar i shqipes
Gjinia: Biografi
Autori: Jasin Berberi
Shtëpia botuese: Onufri
Viti: 2013
Fq. 232
Pesha: 0.54 kg
ISBN: 978-99956-87-66-3

Koment nga Xhelal Berberi

E dua qytetin tim të lindjes, Delvinën e lashtë dhe me tradita historike, patriotike, kulturore e qytetare sa s'ka më , se këtu u linda dhe u rrita, punova, jetova një jetë të tërë dhe pres me qetësi fundin. I dua njerëzit e saj të urtë dhe me zemër të madhe, bujarinë dhe mikpritjen e tyre, natyrën dhe relievin e mrekullueshëm, ajrin tejet të pastër, gjelbërimin si në asnjë vend tjetër, aromën e trëndelinës dhe të detit, klimën mesdhetare e ditët me diell etj.

Kujt nuk i pëlqen mishi, kukureci, djathi, vera, frutat, erëzat dhe perimet e Delvinës? Po sazet dhe kënga labe? Edhe pse sot kujdesi për të është i pakët, mendoj se Delvinën do ta zhvillojnë vetë delvinjotët. Prandaj, ju bëj thirrje ta doni sa më shumë qytetin tuaj të lindjes, ta doni Shqipërinë, atdheun tonë. Atdhetarizmi tregon vlerën e një njeriu. Ata që për interes personal kanë marrë nëpër këmbë dashurinë e atdheut, kanë shkelur njëkohësisht dhe nderin e tyre. Ta gëzoni Shqipërinë tonë të dashur!

Koment nga Enver Isufi

Shfletojeni me dashuri këtë libër. Delvina, qyteti ynë i dashur, në rrjedhën e shekujve, ka lënë emrin e vet të nderuar në faqet më të ndritura të historisë së Shqipërisë. Me pushkë dhe me penë, me punë dhe me atdhedashuri, me kulturë dhe me tradita, me vaje dhe me këngë, me bujari dhe mikpritje, ajo ka ardhur deri në kohët moderne, duke dhënë shembuj e duke marrë shembuj, të cilët mbeten gjithmonë të gjallë në kujtesën historike.

Libri që kemi në dorë, kushtuar jetës dhe veprimtarisë së "Mësuesit të Popullit", Xhelal Berberit, është një veprim i lavdëruar që zgjon kujtesën historike të brezave, rrit krenarinë kombëtare dhe përcjell thirrje të qarta dhe nxitje të mbara për të shkruar me po aq patos e përgjegjësi faqet e historisë bashkëkohore. S'ka si ndodh ndryshe kur njihesh me jetën dhe veprimtarinë e Xhelal Berberit, kur shfleton dhe përjeton kujtimet e tij, kur ndjen të rrahë zemra e zjarrtë e këtij mësuesi të thjeshtë dhe atdhetari të madh. Ai ishte ndër rilindësit e fundi, por edhe ndër intelektualët e parë demokratë, ndër pionerët e parë të ABC – së dhe shkollës shqipe, por edhe ndër punëtorët e përkushtuar që hodhën bazat e arsimit dhe kulturës moderne shqiptare.

Ai ishte gjithashtu një qytetar shembullor dhe paqësor si në kohët e qeta edhe në turbullirat shoqërore të shekullit të kaluar. Më mirë se kushdo, këto cilësi të larta e virtyte të çmuara të këtij burri të ndritur dalin qartë në faqet e këtij libri i cili fare mirë mund të shërbejë si një udhërrëfyes atdhedashurie, kulture, arsimdashurie që iu vlen brezave të rinj, po edhe të moshuarve. Puna e palodhur e autorit të librit, mësuesit të nderuar Jasin Berberi, është një shembull i lartë i një akti intelektual, një shlyerje e një detyrimi moral ndaj figurës së Xhelal Berberit, por edhe një provë e dukshme se intelektuali tërë jetën duhet të përcjellë tek brezat mesazhe kulture e mirënjohjeje.

Jasini është ndër më të rinjtë e një dinastie mësuesish nga fisi i Berberajve, që zë fill me Xhelalin, me vëllanë Ganiun, të shoqen Safon, të birin Pëllumbin, vëllanë e Jasinit, Ismetin etj. Duke filluar nga gjysma e dytë e shekullit të kaluar, Jasin Berberi punoi për dekada të tëra në shkollat e qytetit të Delvinës, në fillim mësues e mandej për vite me radhë, si nëndrejtor e drejtor i shkollës së mesme të përgjithshme të Delvinës, e para shkollë e mesme që u hap në ish rrethin e Delvinës.

Ai vetë është një personalitet i shquar i shkollës, arsimit dhe edukimit të brezave të tërë, të qytetit të lindjes, mbart një përvojë të vyer që ia vlen t'u përcillet më të rinjve. Ndonëse tani është në pension, Jasin Berberi është plotësisht i denjë për të merituar një vlerësim apo një titull nderi i cili nuk do t'i shërbejë më tepër atij, sesa vlerave të shkollës dhe arsimit shqip në qytetin e Delvinës.

Shfletojeni me dashuri këtë libër, lexojini me vëmendje kujtimet dhe mbresa e "Mësuesit të Popullit", merrni çfarë ju vlen nga "ndërshtypjet" (siç kishte qejf të thoshte zoti Xhelal) dhe me siguri do të ndjeni veten më të ditur, por edhe borxhli ndaj popullit dhe atdheut, do të ndiheni krenarë për të shkuarën e më besues për të ardhmen dhe do të bindeni se mbi fetë, mbi partitë, mbi qeveritë, qëndron gjithmonë Shqipëria jonë e dashur.  

Detajet e librit
2930
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13k)
16 libra të tjera në këtë kategori:

Referenca: 2460

Botuesi: Tirana Times

Bashkejetese me kohen, Teodor Laco

(0)

Rrugëtimi ynë tashmë prej dy dekadash drejt shtetit të drejtë për të gjithë, drejt çdo vlere që nënkuptohet kur shqiptojmë fjalën e madhe "demokraci", ka qenë i lodhshëm, më i lodhshëm sesa për të tjerët si ne që e hapën epokën e demokracisë pas përmbysjes së diktaturave. Shkaqet duhen kërkuar brenda vetes.

Çmimi 1 000 Lekë
More
Ne gjendje

Referenca: SKU000812

Botuesi: Bota Shqiptare

Mehmet Shehu - Im vella, Duro Shehu

(0)

Me këtë titull, 82-vjeçari Duro Shehu ka hedhur në treg librin, një botim mbi figurën e ish-kryeministrit të epokës komuniste Mehmet Shehut. Rrëfim, i cili jo vetëm vjen nga pena e vëllait të Shehut, por një përmbledhje me fakte dhe dokumente që shtrojnë shumë pyetje, një prej të cilave vazhdon të mbetet "U vra apo e vranë?".

Çmimi 600 Lekë
More
Ka mbaruar

Referenca: SKU001220

Botuesi: OMBRA GVG

Kur dhimbja premton dashuri, Edmond Tupja

(0)

Ju jeni prindër të lumtur, besomëni për këtë! Pa viheni veten për një çast në vendin tim: si do të ndiheshit sikur të kishit një fëmijë autik si puna e Gesit tim, ndoshta në gjendje edhe më të rëndë, një fëmijë pa të ardhme, pa asnjë siguri jetike pas vdekjes së prindërve meqënëse shteti e shoqëria shqiptare janë të paaftë t'i marrin ata plotësisht në...

Çmimi 600 Lekë
More
Në gjendje

Botuesi: Morava

Faleminderit per kete cast, Valerie Trierwellier

(0)

Në krah të Fransua Holand, Valerié Trierwellier u bë Gruaja e Parë e Francës, deri në momentin kur gazetat botuan fotot e tradhëtisë së tij me nje grua më të re, aktore e shquar kinemaje. Ajo në ato momente u dorëzua, ndërkohë që ai i dha lamtumirën.

Çmimi 800 Lekë
More
Ne gjendje

Botuesi: Fan Noli

Nice, Stephan Zweig

(0)

"O vetmi! Ti, atdheu im, vetmi". Nga bota e akullt e qetësisë vjen kënga e mërzisë. Zarathustra këndon këngën e mbrëmjes, këngën e natës së fundit, këngën për kthimin e përhershëm. Vetmia!

Çmimi 600 Lekë
More
Në gjendje

Referenca: SKU001747

Botuesi: Onufri

Kohë e pamjaftueshme, Helena Kadare

(0)

Duke qenë edhe ajo shkrimtare, bashkëshortja e Ismail Kadaresë, Helena, zbulon fatin e një çifti të pazakontë. Në këtë rrëfim të mbushur plot ngjarje që dalin dhe e kapërcejnë të zakonshmen e një jete të përbashkët, shpaloset aktualiteti i një gjysmë shekulli që ka parë apogjeun, dhe më pas, agoninë dhe fundin e regjimeve komuniste në Europën Lindore.

Çmimi 2 000 Lekë
More
Ne gjendje

Referenca: SKU001620

Botuesi: Toena

Kujtime, Ismail Qemali

(0)

U linda në muajin janar 1844 në Vlorë (ose Aulona), qytet shqiptar, ku shumë kohë më pas do të shpallja pavarësinë e atdheut tim. Im atë ishte Mahmud bej Vlora, kurse ime më, Hedie Hanëmi, nga Gjirokastra. Po vija në jetë pas epokës më të rëndësishme që Perandoria Osmane, ku bëntë pjesë edhe Shqipëria, kishte përshkuar në krejt historinë e saj.

Çmimi 1 500 Lekë
More
Ka mbaruar

Botuesi: Onufri

Misteri Kodra, Xhevair Lleshi

(0)

Maestro po mërmëriste shqip, nuk kthente përgjigje, shikonte këmbët e veta, vazhdonte dialogun me veten dhe fisnikëronte këmbënguljen, kur e kur ngrihej dhe recitonte ndonjë varg me një italishte të pastër.

Çmimi 960 Lekë
More
Në gjendje

Referenca: SKU001901

Botuesi: OMBRA GVG

Koha e kujtimeve, Nasho Jorgaqi

(0)

Besimi tek tempulli i letërsisë dhe dashuria për personazhet e mëdhenj të saj, shqiptarë e të huaj, të vjetër e të rinj, ishte gjëja e parë që binte në sy sapo njiheshe me Nasho Jorgaqin. Duket sot si një gjë e natyrshme, por të admiroje atë tempull e ato personazhe, në një kohë që admirimi kërkohej për tjetërkënd, nuk ka qenë i thjeshtë.

Çmimi 1 200 Lekë
More
Ka mbaruar

Referenca: SKU001674

Botuesi: Te tjere

Me kujtohet, Ylli Demneri

(0)

Ylli Demneri ka zgjedhur ta bëjë këtë thjesht, por me shumë mjeshtëri: Ai ka hapur dyert e vetvetes dhe na lë të futemi aty, të ndajmë mendimet, e të meditojmë për jetën, shoqërinë dhe politikën me gjuhën e kthjellët e lakonike të kujtimeve.

Çmimi 700 Lekë
More
Në gjendje

Botuesi: Onufri

Një stinë me Prustin, Rene Peter

(0)

René Peter është njohur që në fëmijëri me Marcel Proustin, duke qenë se baballarët e tyre i përkisnin elitës së mjekëve. Me vonë ata humbën kontaktet, përreth dhjetë vjet, kur pas suksesit të shfaqjes "Chiffon" të Peter, më 1904, Proust i rivendosi kontaktet me të përmes Reynaldo Hahn.

Çmimi 1 000 Lekë
More
Në gjendje

Referenca: 2200

Botuesi: Helga's Secrets

Kujtime, Sergej Dmitrievic Sazonov

(0)

Libri vlen sidomos për studiuesit profesionistë të historisë, që duan të mësojnë më shumë për ngjarjet e kësaj periudhe, pedagogët, politikanët, diplomatët shqiptarë, analistët historikë si dhe lexuesit e zakonshëm të cilët kanë etje, ende, për ta zhbiriluar këtë periudhë shumë e largët e që ka lënë sigurisht vraga edhe në jetët e brezit të tyre.

Çmimi 1 000 Lekë
More
Ka mbaruar

Botuesi: Zenit Editions

Kohe antishenje, Maks Velo

(0)

Maks Velo është një nga autorët që, si rrallëkush e kuptoi se krijimi letrar e artistik, në rastin e tij letërsia e piktura, pavarësisht se në ç'kushte lindën, janë në radhë të parë art. Si e tillë, dëshmia e tij është e një vlere të dyfishtë.

Çmimi 600 Lekë
More
Në gjendje
chat Përshtypjet (0)