Telashe dashurie, Adele Parks

Titulli: Telashe dashurie
Origjinali: The state we're in
Gjinia: Roman
Autori:Adele Parks
Shqipëroi: Arsida Mezuraj
Shtëpia botuese: Pegi
Viti: 2014
Fq. 412
Pesha: 0.291 kg.
ISBN: 978-9928-175-18-2

Mbi librin

Sa gjasa ka që një i panjohur, ulur pranë teje në një avion, të jetë e shkruar të të ndryshojë jetën? Sidomos kur duket se tjetri është krejt e kundërta jote. Xhoi është një optimiste e pashoqe, në kërkim të shpirtit binjak te çdo burrë që takon.

Dini është cinik i vendosur, përvojat e hidhura të jetës e kanë mësuar të mos i zërë besë askujt. Për shkak të rrjedhës së jetës, ata do të shkojnë në drejtime të ndryshme, por në çastin që zbresin nga avioni, fillon udhëtimi i tyre i vërtetë...

Komente mbi librin

"Një histori dashurie drithëruese, e cila kalon kufijtë e brezave. Nuk janë të shumtë autorët që krijojnë personazhe me kaq shumë të meta, por që gjithsesi, fort të dashur."

Glamour

"Një histori e shkuar me zgjuarsi dhe tragjikisht e bukur, e mbushur me eupati dhe pendime, që do t'ju mbetet gjatë në mendje. "Telashe dashurie" është një histori mbi dashurinë, familjen, braktisjen dhe qetësinë e fantazmave të së shkuarës. Një përrallë që s'të hiqet nga mendja e që do t'ju shkaktojë pështjellime. Në këtë roman, Adele Parks ka arritur kulmin e saj. Do ta rekomandoja vazhdimisht këtë libër."

Handwritten Girl

"Një përrallë zemërdrithëruese mbi dashurinë dhe humbjen, me një përfundim që do t'ju lerë pa gojë."

Mike Gayle

Mbi autoren

Adele Parks, lindur në Angli, në vitin 2000 botoi romanin e saj të parë "Playing Away", i cili u quajt si romani debutues më i shitur i atij viti. Qysh prej asaj kohe, ajo ka botuar plot 13 romane brenda 13 vjetëve.

Konsiderohet si një prej shkrimtareve femra më të dashura për publikun dhe një nga më të shiturat, me mbi dy milionë kopje në Britaninë e Madhe. Romanet e saj janë përkthyer e botuar në 25 gjuhë të botës. Shquhet për trajtimin e çështjeve të mprehta të jetës sonë aktuale me stilin e vet të drejtpërdrejtë dhe pa dorashka.