Titulli: Jeta është e shkurtër (kopertinë e trashë)
Origjinali: Vita Brevis
Gjinia: Roman
Autori: Jostein Gaarder
Shqipëroi: Afrim Koçi
Shtëpia botuese: Onufri
Viti: 2004
Fq. 176
Pesha: 0.33 kg
ISBN: 978-99943-32-10-4
Mbi librin
Jostein Gaarder zbulon nëpërmjet veprës "Vita Brevis" një letër drejtuar Shën Agustinit. Është origjinale apo kopje? Pak rëndësi ka... Kjo letër, drejtuar Shën Agustinit nga një grua përshkruan mënyrën se si ajo ndien dashuri për Shën Agustinin.
Në fakt, bëhet fjalë për një dashuri të pamundur. Rivalja e saj nuk është një grua që mund ta shohë, por një koncept filozofik. "Vita Brevis" është një histori dashurie klasike, e rrëfyer bukur, një depërtim magjepsës në jetën e Shën Agustinit dhe atë të gruas së tij jashtë martese, të braktisur. I takon lexuesit të përcaktojë autenticitetin e veprës...
Kjo paraqitje ndjenjash të sinqerta na çon në thelb të kësaj marrëdhënieje që bashkon Shën Agustinin me këtë grua. Ky depërtim në intimitetin e këtyre personazheve zbulon zhgënjimin e një gruaje që ka parë të dashurin e saj të preferojë më tepër dashurinë për Zotin sesa dashurinë për të. Një krijim i arrirë i një studiuesi që i përket shekullit XVII ose XVIII, apo një shkrim i asaj që ngjan si një letër e panjohur e Flora Emilit drejtuar Shën Agustinit? Vita Brevis është një dokument emocionues nga ana njerëzore dhe një zbulim interesant i jetës dhe filozofisë së Shën Agustinit.
Mbi autorin
Jostein Gaarder lindi në vitin 1952. Studioi filozofi, teologji dhe teori letërsi në Oslo. Për dhjetë vjet rresht ka qenë mësues në shkolla dhe institucione për arsimimin e të rriturve. Famën ndërkombëtare ai e arrit me romanin "Bota e Sofies", tashmë i përkthyer në mbi 40 gjuhë. Romanet dhe tregimet e tij për fëmijë dhe të rritur kanë gjetur një jehonë të madhe që prej disa vjetësh, si te lexuesi ashtu edhe te kritika. Ai është nderuar me shumë çmime letrare.
