Titulli: Të pamëkatët
Gjinia: Roman
Autori: Sofronis Sofroniu
Shqipëroi: Romeo Çollaku
Shtëpia botuese: Dituria
Viti: 2021
Fq. 288
Pesha: 0.350 kg
ISBN: 978-9928-292-92-6
Ky libër është në gjuhën shqipe
Mbi librin
Te ky roman, ngjashmëritë me njerëz të vërtetë dhe me ngjarje reale nuk janë të rastit: në romanin Të pamëkatët, ndërthuren jetë personazhesh të njëmendtë e të trilluar, ndërsa veprimi udhëton në hapësirë (Qipro, Amsterdam, Nju Jork) dhe në kohë (shekujt XXI, XX, XIX, XVI). Është marramendëse shpejtësia e këtij udhëtimi, filli i rrëfimit i shtrëngon personazhet, erotika përleshet me asketikën, historia bëhet nënshtresë e letërsisë dhe letërsia na jep gjurmë nga historia.
Shqetësimi dhe problematika e romanit përqendrohen te heroi kryesor, Anton Leontiu, kryepeshkop i Qipros për një periudhë vetëm disaditore, pothuajse në mesin e shekullit të kaluar. Në rrjedhën e stuhishme të jetës së këtij kleriku përfshihen poetët e shquar francezë Arthur Rimbaud e François Villon, apostulli Pal, piktori Hieronymus Bosch, këngëtarja Maria Papagjika, etnomuzikologu Alan Lomax, muzikanti popullor Ali Peshqe, sekte të ndryshëm, turma anonime, si dhe vetë vrasësi i Antonit. Në një gërshetim të fantazisë me historinë, njerëzit përpiqen të zbulojnë nëse veprimet që kryejnë janë rrjedhojë e vendimeve të ndërgjegjes dhe vullnetit të tyre apo diktohen prej faktorësh të jashtëm.
