Zemër qeni, Mihail Bulgakov

Titulli:Zemër qeni
Kategoria: Roman
Autori: Mihail Bulgakov
Përktheu: Robert Vullkani
Botues: Arka e Noes
Viti: 2024
Fq. 120
Pesha: 0.210 kg
ISBN: 9789928471291
Ky libër është në gjuhën shqipe


Mbi librin

“A është i mundshëm rinimi i organizmit?” – kjo është një prej pyetjeve që qëndron pezull në faqet e para të këtij romani. Rrumbullaku, një qen rrugësh, bëhet pjesë e një eksperimenti shkencor nën drejtimin e profesor Preobrazhenskit, i cili i heq hipofizën për t’ia ndërruar me hipofizë njeriu e mandej duke kryer transplante organesh të njerëzve që kanë vdekur te trupi i kafshës. Që prej çastit kur qeni buzëqesh e mandej të artikulojë fjalë të zakonshme si ‘pijetore’ ‘karrocier’ etj., nis të shtjellohet rrëfimi i aventurave ironike dhe groteske të një kafshe që zbulon botën dhe ndjeshmërinë njerëzore. Pavarësisht idesë së Preobrazhenskit se çdo kafshë mund të kthehet në një qenie njerëzore dhe suksesit që merr eksperimenti i tij, qeni, edhe pse nën formën njerëzore që merr, vazhdon të ruaj natyrën e tij kanile.
“Zemër qeni” u shkrua në vitin 1925 dhe mbeti i pabotuar për dekada pasi u sekuestrua nga policia secrete sovjetike dhe u gjet në arkivet e KGB-së pas ndarjes nga jeta të Bulgakovit.

Mbi autorin

MIHAIL BULGAKOV (1891-1940) është një prej shkrimtarëve më të rëndësishëm rusë, i njohur për humorin dhe satirën kundrejt regjimit në veprat e tij, një pjesë të së cilave të ndaluara dhe të botuara pas vdekjes së shkrimtarit. Ndër veprat e tij më të njohura janë “Mjeshtri dhe Margarita”, “Garda e bardhë”, “Zemër qeni”, “Vezët fatale”, “Ditari i një mjeku fshati”

Komente mbi librin

“Një prej shkrimtarëve më të mëdhenj të modernizmit në Rusi, me gjasë më i madhi”

The Independent

“Zemër qeni është një prozë e mbruajtur me metafora dhe ironi, si dhe një përzierje e komikes dhe tmerrit. Ajo na kujton se nëse ndërmarrim veprime të përbindshme, mundësia është që të krijojmë përbindësha. Ky mesazh është i vërtetë sot ashtu si në vitet 1920 dhe mbetet njëkohësisht i pakohë dhe bashkëkohor” 

Nudge Books