Titulli: Axhenda e alienëve. A ka një hierarki të pushtetit qiellor?
Origjinali: Alien Agenda
Gjinia: Konspiracion
Autori: Jim Marrs
Shqipëroi: Lida Cako
Shtëpia botuese: Helga's Secrets
Viti: 2010
Fq. 601
Pesha: 0.56 kg
ISBN: 978-9928-4022-3-3
Mbi librin
Padyshim që Xhim Marrs (Jim Mars) është ndër figurat më autoritare në fushën e ufologjisë. Trajtimi i vizitave të Jashtëtokësorëve (JT) ka qenë në fakt një temë që e ka shoqëruar njeriun prej shekujsh, qoftë në historitë dhe rrëfenjat verbale popullore të trashëguara, qoftë në artefaktet e zbuluara në Sumeri qysh 6-7 mijë vjet përpara.
Po kështu, mjafton të shikoni pikturat që rrethojnë tempujt e feve të ndryshme (mund të shihni edhe Kishën Ortodokse në Tiranë) dhe nuk ka asnjë dyshim se aty, prej shekujsh, ndodhen koçi të zjarrta në formën e mjeteve të fluturimit antigracitacionale, të cilat, së pari nga njeriu filluan të projektoheshin prej industrisë dhe teknologjisë naziste në prag dhe gjatë Luftës II Botërore.
Por dokumentet e shkruara më të spikatura që flasin qartë për përvojat e njerëzve të lashtë me JT, natyrisht që janë librat e Enokut, shumica të zhdukur nga Kisha. Po kështu edhe Bibla, sidomos Dhiata e Vjetër, në parabolat e saj flet shumë herë për nefilimët. Dhe, në fakt, çfarë janë këto personazhe si: Goliathi, Herkuli, Ciklopi, etj., të përmendur nga Bibla dhe Homeri?
Po eksperiencat e Shën Palit, sipas ungjijve, në Dimensionet e tjera ku ai kishte parë ngjyra dhe kishte dëgjuar muzikë shumë më të bukura se këtu në Tokë dhe s'kishte njohur asnjë prej të pranishmëve, me përjashtim të Jezusit? Po nata e Kadrit të Muhamedit, kur ithtarët e tij mendonin se Profeti i Islamit ishte çmendur, pasi ai u kishte thënë atyre që kishte udhëtuar për disa mijëra kilometra nga ajri vajtje - kthim Mekë-Jerusalem-Mekë gjatë orëve të gjumit që ata ishin ndarë nga njëri - tjetri?
Kanë udhëtuar ata vërtet në të gjitha këto raste, apo trupi i tyre astral, i përbërë nga valë me frekuenca të larta vibrimi? Po ngjarja në Portugali në vitin 1917, kur nga një spacecraft në formë disku do të zbriste Shën Mëria - në një prezencë të mbi 70 mijë njerëzve - e cila, pasi kishte prekur tre fëmijë në prag adoleshence, u kishte dhënë atyre një letër për papën me shënimin për ta hapur pas vitit 1960? Dhe çfarë ka pasur kjo letër e cila nuk u publikua kurrë nga Vatikani?
A ka në fakt një dosje sekrete nga qeveritë e ndryshme për çështjen e JT? A ka një program të përbashkët hapësinor me UFO-t dhe a ka një hierarki fuqie qiellore, ku bën pjesë edhe Toka, planeti ynë, hierarki që u fshihet njerëzve të zakonshëm? A janë kontaktet me JT të lidhura për nga intensifikimi me ciklin zodiakal prej 26 mijë vjetësh të Dielli dhe planetëve të tij në Sistemin "Plejades" përreth Superdiellit Alcyne?
