Titulli: Shqipëria, e shkuara dhe e tashmja
Origjinali: Albania, past and present
Gjinia: Histori
Autori: Kostë Çekrezi
Shqipëroi: Arben P. Latifi
Shtëpia botuese: Naimi
Viti: 2012
Fq. 320
Pesha: 0.371 kg.
ISBN: 978-9928-05-098-4
Koment nga Charles D. Hazen
Se cilat janë të drejtat e Shqipërisë duhet mësuar jo nga ç'thonë fqinjët, rivalët apo armiqtë e saj të mundshëm, por nëpërmjet një mjeti më të drejtpërdrejtë e më të besueshëm: zërit të vetë shqiptarëve. Kjo është merita kryesore e librit të z. Çekrezi. Ai na jep mundësinë ta shohim Shqipërinë me syrin e një shqiptari.
Për vite e vite me radhë, bota ka dëgjuar mjaft për punët e Shqipërisë, por ajo ka dëgjuar vetëm ç'thuhet thuajse tërësisht nga burimet e jashtme: nga grekë, serbë e malazezë dhe nga Fuqitë e Mëdha që, për arsyet e veta, më 1912 krijuan në Londër shtetin e Shqipërisë dhe ia dorëzuan atë një princi të panjohur gjerman: Vilhelm Vidit.
Por, asnjë popull nuk mund të shpjegojë saktë nevojat e dëshirat, të drejtat e aspiratat e ndonjë populli tjetër, njësoj sikurse asnjë individ s'mund të bëhet zëdhënës i saktë i askujt, përpos vetes së vet. Prandaj, është një kënaqësi e avantazh i qartë që, më në fund, kemi një interpretim nga vetë shqiptarët, një shpalosje të historisë së Shqipërisë, një paraqitje të kërkesave të shqiptarëve, drejtpërdrejtë nga mendja dhe zemra e një vendasi. Sepse. Me sa di unë, ky është i pari libër i një shqiptari për Shqipërinë që ka dalë në gjuhën angleze.
Mbi autorin
Kostë Çekrezi u diplomua më 1909 në Gjimnazin e Korçës. Më pas studioi për pak kohë për drejtësi në Universitetin e Athinës e pastaj u bë gazetar. Kur Shqipëria u shpall e pavarur më 1912, ai u caktua përkthyes e më pas sekretar i Komisionit Ndërkombëtar për Kontrollin e Shqipërisë, krijuar nga Konferenca e Ambasadorëve në Londër. Erdhi në SHBA në nëntor 1944 dhe, ndërkohë, ka studiuar në Universitetin e Harvardit, ku u diplomua më 1918 dhe mori gradën Baçelor në Arte.
