Titulli: Shqipëria dhe SHBA në arkivat e Uashingtonit
Origjinali: Albanija e SAD kroz arhive Vaingtona
Gjinia: Histori
Autori: Haris Silajxhiç
Shqipëroi: Xhelal Fejza
Shtëpia botuese: Dituria
Viti: 1999
fq. 272
Pesha: 0.33 kg
ISBN: 978-99927-31-38-9
Mbi librin
Libri"Shqipëria dhe SHBA në arkivat e Uashingtonit" na jep një pasqyrë të gjerë e dokumentare të marrëdhënieve të SHBA me Shqipërinë që nga fillimet e shekullit të kaluar. Në vëllim, përfshihen momentet dhe vëmendjet kryesore të këtyre raporteve si psh. puna e Kryqit të Kuq Amerikan, Shkolla Teknike e Tiranës, qëndrimi amerikan gjatë Konferencës së Paqes në Paris, marrëdhëniet me fqinjët, kompanitë amerikane të naftës në Shqipëri, raportet me Mbretërinë Shqiptare deri në prag të fillimit të Luftës ll Botërore etj.
Në këtë libër, autori nënvizon punën këmbëngulëse të atdhetarëve shqiptarë për ta rreshtuar vendin e tyre në krah të palës së fituar, si dhe krijimin e miqve të Shqipërisë. Silajxhiçi i kushton vëmendje edhe ndikimit të shoqërisë "Vatra" mbi delegacionin amerikan në Konferencën e Paqes dhe rrjedhimisht qëndrimit amerikan për këtë çështje.
Mbi autorin
Dr. Haris Silajxhiç është studiues dhe politikan boshnjak. Karriera e tij akademike mbulon dy fusha: studimet arabo – islamike dhe historinë e diplomacisë. Ka mbrojtur doktoraturën me temë: "Marrëdhëniet diplomatike amerikano – shqiptare" dhe ka botuar dy libra: "Shqipëria dhe SHBA në arkivat e Uashingtonit" dhe "Lëvizja Kombëtare Shqiptare në shtypin e Bosnjë – Hercegovinës", si dhe shumë artikuj shkencorë në fushat përkatëse. Më 1990 angazhohet aktivisht në politikë dhe deri në vitin 1996 ishte nënkryetar i Partisë për Veprim Demokratik.
Në vitet 1990 – 1993 ka qenë Ministër i Punëve të Jashtme dhe në vitet 1993 – 1996 ka qenë Kryeministër i Republikës së Bosnjë – Hercegovinës. Më 1996, krijoi partinë për Bosnjë dhe Hercegovinën dhe bëhet kryetari i saj. Haris Silajxhiç është politikani i fundit që ishte në pushtet gjatë luftës së Bosnjës dhe që është ende aktiv në jetën publike. Aktualisht ai është në presidencës treanëtarëshe të Bosnjës dhe mbështet me forcë tezën e një Bosnje të bashkuar.
