Titulli: Historia e Polonisë
Origjinali: A Concise History of Poland
Gjinia: Histori
Autori: Jerzy Lukowski, Hubert Zawadzki
Shqipëroi: Erblina Kërçishta
Shtëpia botuese: Dituria
Viti: 2014
Fq. 376
Pesha: 0.431 kg.
ISBN: 978-9928-103-83-3
Mbi librin
Kjo është një histori konçize e Polonisë. Studiuesit e dinë sa shumë detaje janë lënë mënjanë, por lexuesi duhet ta kuptojë se nuk mund të jepet gjithçka në një përmbledhje. Edhe ky botim i Cambridge University Press nuk bën përjashtim. Një libër i shkruar nga dy autorë, njeri specialist i shek. XVIII, tjetri më shumë i familjarizuar me shek. XIX.
Polonia ka qenë kryesisht rajon kufitar, me popuj dhe kultura që kanë ekzistuar gati – gati në paqe. Aty nga fundi i Mesjetës e në vazhdim, elitat e saj zhvilluan një kulturë politike mjaft konsensuale, pa të cilën shteti polak ndoshta do të ishte copëtuar. Këto divergjenca dhe mekanizmat e konsensusit, e çuan shtetin polak në prag të shpërbërjes gjatë shek. XVII, dhe në retrospektivë, mund të kuptojmë se kanë kontribuar shumë për shkatërrimin e tij në fund të shek. XVIII.
Nga fundi i shek. XIX, mes nacionalizmave që po përhapeshin gjerësisht, nocioni i vjetër i polakut si fisnik që mund të përshtatej lehtë me më shumë se një identitet "etnik" tregoi se ishte vetëm një nostalgji romantike e pavlerë. Disa brenda grupeve etnike të larmishme, të cilat jetonin në territoret që më parë formonin një pjesë të shtetit polak, do të mohonin me indinjatë se kishin pasur një atdhe të përbashkët.
Homogjeniteti aktual i Polonisë është më shumë një produkt i imponuar i Luftës së Dytë Botërore e i pasojave të saj imediate, dhe nuk është parë në Poloni thuajse që prej mesit të shek. XIV. E kaluara e Polonisë dhe e fqinjëve të saj është aq e ndërthurur, sa është e vështirë të bëhet një analizë e thjeshtë e veçuar.
Edhe e tashmja ka ndërlikimet e veta, dhe autorët janë përpjekur t'i përfshijnë të paktën deri në atë shkallë, sa t'i tregojnë lexuesit sfidat dhe problemet me të cilat përballet republika e sotme, anëtare e Bashkimit Europian.
Mbi autorët
Jerzy Lukowski është historian polako – britanik në Birmingham University. Studimet për histori i kreu në Queens' College, Kembrixh. Interesin për Historinë polake të shek. XVIII e zhvilloi në vitet 1971-'72 dhe, sërish, më 1973-'74, kur fitoi bursa studimi në British Council. Studimet doktorale i kreu në Poloni, fillimisht në Universitetin Jagiellonian të Krakovit, dhe më vonë në Universitetin e Varshavës.
Në vitin 1975, Cambridge University i dha titullin "Doktor" me tezën: Szlachta dhe Konfederata e Radomit, 1764-1767/68: studim për fisnikërinë polake. Pasi punoi për disa kohë në Bibliotekën universitare të Mançesterit, në maj 1979, ai u emërua pedagog i Historisë moderne në Birmingham University dhe më 1994 iu dha titulli Senior Lecturer në Historinë moderne. Në periudhën 2003-2005 shërbeu në British Academy, ndërkohë që, në mirënjohje të punës së tij në lëmë të historisë së Polonisë së sek. XVIII, në tetor 2004 i ishte dhënë titulli Reader në Historinë polake.
Hubert Zawadzki është lektor i historisë në Abingdon School, autor i A Man of Honour: Adam Czartoryski as a Statesman of Russia and Poland 1795-1831 (1993).
