Titulli: Islamizmi ballkanik, myslimanët e Europës Juglindore gjatë periudhës pasosmane
Origjinali: Les Musulmans Des Balkans A L'Epoque Post-Ottomane: Histoire Et Politique
Gjinia: Histori
Autori: Alexandre Popovic
Shqipëroi: Grup Autorësh
Shtëpia botuese: Dituria
Viti: 2016
Fq. 552
Pesha: 0.601 kg.
ISBN: 978-99927-59-94-1
Mbi librin
Islamizmi ballkanik është përkthimi në shqip i një vepre të botuar më 1986, pra, në një periudhë të hershme, kur të gjashta shtetet e Europës Juglindore (Shqipëria, Bullgaria, Greqia, Hungaria, Rumania, Jugosllavia), për të cilat flitet këtu, gjendeshin në një situatë krejt tjetër krahasuar me të sotmen.
Autori argumenton se islamizmi ballkanik pasosman nuk ka një emërues të përbashkët, gjë që në fakt nuk ka ekzistuar ndonjëherë. Duke u përpjekur të kuptohet diçka lidhur me këtë çështje, janë shqyrtuar me vëmendje grupet e shumta që e kanë përbërë atë, zhvillimi i tyre në kohë dhe në kushtet e reja.
Ende e pasfiduar në fushën e vet, kjo vepër e Alexandre Popovicit është një burim shumë i rëndësishëm informacioni për atë çka ndodhi me islamin në Ballkan pas largimit të osmanëve.
Islamizmi ballkanik është fryt i leksioneve të mbajtura nga autori gjatë dhjetë vjetëve dhe i një pune studimore 20-vjeçare.
Ai përfshin vetëm një segment kohor dhe është një kontribut në historinë fetare të Gadishullit Ballkanik. Libri është një material i dorës së parë për studiuesit profesionistë dhe studentët, por edhe për të pasionuarit pas historisë së Shqipërisë dhe vendeve të rajonit.
