Titulli: Historia e Zvicrës
Origjinali: Geschichte der Schweiz
Gjinia: Histori
Autori: Thomas Maissen
Shqipëroi: Genc Lafe
Shtëpia botuese: Dituria
Viti: 2013
Fq. 304
Pesha: 0.521 kg
ISBN: 978-9928-103-58-1
Mbi librin
Përmes këtij teksti kompakt të Historisë së Zvicrës, historiani i njohur zviceran Thomas Maissen sjell paraqitjen e re të përgjithshme të pritur prej kohësh. Bazuar në përfundimet më të reja kërkimore dhe me një stil të rrjedhshëm, ai paraqet lindjen e Konfederatës Zvicerane, vazhdimësinë e saj të jashtëzakonshme, por edhe përthyerjet e saj të shumta deri në të shkuarën më të afërt.
Me kthjelltësi, ai shqyrton formimin e besëlidhjeve dhe lindjen e sagave, përse Konfederata e përçarë nga ana fetare nuk u shpërbë gjatë Reformës, në ç'masë ishte e nevojshme lufta e Lidhjes së Veçantë për lindjen e një shteti federal më 1848, përse Hitleri nuk e pushtoi Zvicrën në qershorin e vitit 1940 dhe si kërkon Zvicra në fillim të shekullit të 21 të gjejë vendin e vet në arenën ndërkombëtare.
Interpretimi i historisë zvicerane vitet e fundit ka qenë mjaft i debatueshëm në Zvicër, por është shqyrtuar në mënyrë kritike edhe jashtë vendit. Cilido që dëshiron të marrë informacionin thelbësor që ofron niveli aktual i dijes, do ta gjejë këtu atë që kërkon. I shkruar me një gjuhë të kuptueshme, ky libër ofron një tablo, e cila i paraqet rendin e sotëm politik të Zvicrës, vështirësitë dhe shanset e saj që në rrënjët e veta historike.
Komente mbi librin
"Thelbësorja, krejt ndryshe. Krejt e ndryshmja, në thelb. Historia e madhe dhe krejt e veçantë e Zvicrës e ka gjetur historianin që meriton. Pikërisht Thomas Maissenin."
Roger de Weck, publicist
"Sinteza e formuluar përmbledhtas e Thomas Maissenit mund të kundrohet si vepra e re standarde e historisë zvicerane."
Neue Zücher Zeitung
Mbi autorin
Thomas Maissen (1960), që nga viti 2004, është profesor për Historinë e Kohës së Re në Universitetin Ruprecht – Karl të Heidelbergut. Ai u bë i njohur më 2002 me punimin "Lidhja e Republikës, kuptimi i shtetit dhe përfaqësimi në Konfederatë në fillim të Kohës së Re" dhe më pas u emërua profesor i Fondacionit Kombëtar Zviceran (SNF) në Universitetin e Lucernës. Në periudhën 1996 – 2004, Maissen ka qenë gjithashtu bashkëpunëtor i rregullt i Neue Zücher Zeitung për analiza historike dhe ka komentuar për këtë gazetë edhe punimet e Komisionit Bergier. Ai ka marrë pjesë si ekspert edhe në emisione të njohura televizive ("Sternstunde Geschichte").
