Titulli: Europa Ballkanike, nga 1945 deri në ditët tona
Origjinali: L'Europe Balkanique de 1945 á nos jours
Gjinia: Histori
Autori: Bernard Lory
Shqipëroi: Sokol Haxhimusaj
Shtëpia botuese: Dituria
Viti: 2007
Fq. 312
Pesha: 0.34 kg
ISBN: 978-99943-46-30-1
Mbi librin
Duke mos qenë fare "fuçi baruti" për Europën, vendet ballkanike janë përkundrazi pjesë e kontinentit, ku bipolarizimi i botës pas vitit 1945 solli copëtimin më të egër gjeopolitik. Vija ndarëse e lë Rumaninë dhe Bullgarinë në Traktatin e Varshavës, kurse Greqinë e përfshin në NATO; Jugosllavia bëhet nxitësja e Lëvizjes së të Paangazhuarëve, kurse Shqipëria pas një përvoje pro – kineze zhytet në izolimin më të thellë.
Kjo ndarje ndërkombëtare lejon të zgjidhen, në mënyrë të pjesshme dhe të përkohshme, disa kontradikta rajonale të trashëguara nga periudha e mëparshme. Duke filluar prej viteve 1989 – 1991 këto tensione të vjetra aktualizohen në një kontekst ekonomik dhe social thellësisht të ndryshuar.
Vendet ballkanike nuk është se i drejton ndonjë fatalitet absurd, por thjesht një logjikë historike tepër e zakonshme, të cilën e bëjnë të pakuptueshme vetëm keqinformimi i shkaktuar nga disa regjime dhe indiferenca e pafalshme e Perëndimit. Vendet ballkanike janë të ndërlikuar, por jo të pakuptueshëm. Ato përbëjnë një pjesë të pandashme të kontinentit tonë.
Mbi autorin
Bernard Lory është lektor në Institutin Kombëtar të Gjuhëve dhe Qytetërimeve Orientale dhe nëndrejtor i Qendrës së Studimeve Sllave në Universitetin Paris IV, Sorbonë. Ka studiuar veçanërisht Bullgarinë, Maqedoninë. Ka botuar "Fati i Perandorisë Osmane në Bullgari" (1985), "Republika e Maqedonisë, e ardhura e re në koncertin evropian" (2000).