Titulli: Ballkani në historinë botërore
Origjinali: The Balkans in World history
Gjinia: Histori
Autori: Andrew Baruch Wachtel
Shqipëroi: Abdurrahim Myftiu
Shtëpia botuese: Toena
Viti: 2012
Fq. 184
Pesha: 0.33 kg
ISBN: 978-99943-1-821-6
Mbi librin
I shkruar me energjinë dhe gjallërinë e jetës, me një vështrim të freskët pozitiv për Ballkanin, për këtë rajon me larmi kulturore e kompleksitet historik të habitshëm e të jashtëzakonshëm. Në përfytyrimet me natyrë historike e letrare, Ballkani përkundet e na vjen si një hapësirë disi e frikshme dhe e papërpcaktuar mirë, shpesh e vështruar me sy mohues, si rajon popujsh provincialë dhe inatçinj, të munduar, urrejtjesh etnike dhe raciale, përherë në prag shpërthimi konfliktesh me dhunë. "Ballkani në historinë botërore" e ripërkufizon këtë hapësirë në terma pozitivë, duke marrrë si pikënisje ata damarë kulturorë, historikë e shoqërorë, që na bëjnë ta shohim këtë rajon si një tërësi koherente e komplekse.
Historiani i shquar Andrew Wachtel, në këtë libër, e paraqet Ballkanin si një trevë gjeografike të ndërmjetme, ku katër prej qytetërimeve më të mëdha të globit janë shtresuar mbi njëri – tjetrin në një mënyrë të qëndrueshme e të thellë, për të dhënë, në fund, një qytetërim dinamik, nganjëherë që merr zjarr shpejt, shumëstresor vendor. Kjo është treva, ku kulturat e Greqisë e të Romës së Lashtë, të Bizantit, të Turqisë Osmane e të Europës katolike janë takuar, janë ndeshur dhe herë – herë janë shkrirë. Historia e Ballkanit, kësisoj, është një histori huazimi krijues, prej popujve vendës, nga qytetërimet e ndryshme, që sa për emër e kanë pushtuar këtë rajon. Duke patur në gjirin e vet Bullgarinë, Kroacinë, Bosnjën e Hercegovinën, Serbinë, Malin e Zi, Shqipërinë, Maqedoninë, Greqinë dhe Turqinë Europiane, Ballkani ka asimiluar shumë shprehi e tradita, për të dhënë, në fund, një nga rajonet më komplekse e më interesante të rruzullit tokësor.
Mbi autorin
Andrew Baruch Wachtel është Profesor Bertha e Max Dressler i Shkencave Humane, dekani i Shkollës së Aspiranturës dhe drejtor i Qendrës Roberta Buffet për Studime Ndërkombëtare e Krahasuese në Northwestern University.
