Titulli: Me besnikërinë më të lartë (kopertinë e trashë)
Origjinali: A higher loyalty
Gjinia: Kujtime
Autori: James Comey
Shqipëroi: Blendi Lami
Shtëpia botuese: Minerva
Viti: 2018
Fq. 326
Pesha: 0.674 kg.
ISBN: 978-9928-265-04-3
Mbi librin
Çfarë është lidershipi etik? Si mund të bësh atë që është e drejtë në vend të asaj me përfitim politik? Si mund të ruash besnikërinë ndaj vlerave të institucioneve për të cilët je betuar se do t'i mbrosh, ndaj vlerave që ke dedikuar jetën për t'i mbështetur, edhe nëse kjo besnikëri vjen me një kosto personale?
Kur Donald Trump pushoi drejtorin e FBI – së, James Comey, më 9 maj 2017, kjo shkaktoi një stuhi të zjarrtë politike. Njeriu në qendër të kësaj stuhie ka qëndruar i heshtuar – deri tani.
Në këtë libër të shumëpritur, James Comey shkruan për herë të parë mbi rolin e tij në zgjedhjet e vitit 2016 dhe pasojat e tyre. Siç lexuesi do të mësojë, kjo fushatë nuk ishte aspak hera që parë që Comey vendosej përpara provës.
Në librin "Me besnikërinë më të lartë", Comey e çon lexuesin përmes çështjeve dhe ngjarjeve personale që ndihmuan në formimin e këndvështrimeve të tij mbi drejtësinë, paanësinë dhe lidershipin etik.
Ne e shohim vendosmërinë e tij të testohet pas një takimi të tmerrshëm me vdekjen dhe pas një humbjeje personale pikëlluese. Ai ofron njohuri mbi stilin e udhëheqjes të tre presidentëve shumë të ndryshëm e megjithatë, ne mësojmë se pse liderët që patën ndikim më të madh tek ai nuk kishin as tituj e as zyra politike.
Edhe pa ngjarjet e vitit 2016 dhe momentet surreale që pasuan në Shtëpinë e Bardhë të Trump – it, karriera e Comey – t përfshin disa nga çështjet kriminale më të mahnitshme dhe të debatueshme të kohëve të fundit.
Ai diskuton takimet intensive dhe zbuluese me Mafian si prokuror federal, një punë të cilën e nisi nën premtuesin Rudy Giuliani. Ai shpjegon si qëndronte vërtet puna në ndjekjen penale të Martha Stewart dhe Scooter Libby, si dhe në betejën kundër mbikëqyrjes dhe politikave torturuese në administratën e George W. Bush.
Në një skenë që duket sikur është shkëptur nga një roman policor në Washington, D. C., Comey shkruan për herë të parë për rastin kur nxitoi drejt anës së një krevati në spital, ku shtrihej i sëmurë Ministri i Drejtësisë, John Ashcroft, për të ndaluar përfaqësues të dërguar nga presidenti Bush, të cilët ishin të vendosur për të përmbysur Departamentin e tyre të Drejtësisë.
Comey gjithashtu detajon përfshirjen e tij përgjatë viteve me Bill dhe Hillary Clinton – përfshi hetimin e Whitewater dhe ndjekjen e të arratisurit, Marc Rich – dhe se çfarë ndodhi vërtet kur u gjend në ngarkim të hetimeve për emailet e Hillary Clinton. Në detaje gjithëpërfshirëse, Comey paraqet me saktësi se çfarë ndodhi gjatë vendimeve historike të FBI – së, dhe u përgjigjet debateve dhe kritikave që pasuan.
Në fund, Comey shpjegon takimet stresuese dhe me raste të çuditshme me presidentin e ardhshëm, Donald Trump, dhe pse e kishte të pamundur t'i ofronte Trump – it besnikërinë që i kërkonte.
Edhe pse ky refuzim ndaj presidentit do të mbante një kosto të lartë personale, ishte një sakrificë të cilën ai ishte i detyruar ta bënte, pasi alternativa tjetër për vendin, ishte një kosto shumë e lartë për t'u mbajtur.
Në librin "Me besnikërinë më të lartë", lexuesi do të gjejë një pushim të rrallë nga mbështetësit politikë. Kjo është mundësia e James Comey – t për të treguar jo vetëm çfarë ndodhi vërtet, por edhe të kujtojë lexuesin se çfarë ka vërtet rëndësi. Është portreti i lidershipit të shkëlqyer, lidershipit në rrugën e gabuar, patriotizmit, si dhe i rëndësisë jetike për të formuar një kulturë e cila vendos të vërtetën në vend të parë.
Në librin e tij, ish-drejtori i FBI-së, James Comey, ndan përvojat e pathëna më parë të disa prej situatave më kritike gjatë karrierës së tij në dy dekadat e fundit të qeverisë amerikane, duke zbuluar se si duket lidershipi i mirë dhe etik, dhe se si nxit vendime të shëndetshme. Rrugëtimi i tij na jep një pamje të paprecedentë të korridoreve të pushtetit, dhe një mësim të shkëlqyer se çfarë e bën një lider efektiv.
Z. Comey shërbeu si drejtor i FBI-së nga viti 2013 deri në 2017, caktuar në këtë post nga presidenti Barack Obama. Më përpara shërbeu si prokuror për Rrethin Jugor të New York-ut dhe zëvendësministër i Drejtësisë në administratën e presidentit George W. Bush.
Nga ndjekja penale e Mafia-s dhe e Martha Stewart, e deri te ndihmesa për të ndryshuar politikën e administratës Bush mbi torturën dhe mbikëqyrjen elektronike, drejtimin e hetimit mbi e-mail-et e Hillary Clinton, si dhe lidhjet midis fushatës së Trump-it dhe Rusisë, Comey është përfshirë në disa prej çështjeve dhe politikave më të rëndësishme të kohëve të fundit.
