Titulli: Lojë me armikun, Nelson Mandela dhe loja që shpëtoi një komb
Origjinali: Playing the enemy
Gjinia: Histori
Autori: John Carlin
Shqipëroi: Krenar Hadëri
Shtëpia botuese: Pegi
Viti: 2014
Fq. 310
Pesha: 0.321 kg
ISBN: 978-9928-4197-7-4
Mbi librin
Mandela, kryepolitikani, na shfaqet si një strateg joshës i aleatëve dhe i kundërshtarëve falë dredhive tërheqëse të një Machiavelli zemërmirë. E vështirë ta dallosh sfidën më të madhe: të përballej me impulset hakmarrëse të lëvizjes së tij apo të bënte për vete minorancën e bardhë e të frikësuar.
Pasi lexoi historinë e tyre dhe pasi studioi sportin e tyre, ai i mahniti të bardhët duke u folur në gjuhën e tyre (të mësuar në burg), por mbi të gjitha duke mos i urryer ata. "Mos u flisni mendjeve të tyre, - i këshilloi ai shokët, duke folur për të bardhët, - ju duhet t'u flisni zemrave të tyre."
Tregimi rrëqethës dhe frymëzues i një prej ofensivave më të mëdha të të gjitha kohërave të karizmës së një njeriu: fushata shumëvjeçare e Nelson Mandelës për të bashkuar kombin e tij, filluar në qelinë e burgut dhe përfunduar me një kampionat ragbie.
Komente mbi librin
"Carlin – i shfaq qartësisht një Mandela "strageg mendjehollë, një joshës politik të talentuar të masave. Dhuntia e tij për teatër politik ishte po aq e sofistikuar sa ajo e Bill Clinton – it apo e Ronald Reagan – it". Nëse ky libër nuk do të ishte i shkruar kaq mirë, do të meritonte një vend midis volumeve mbi menaxhimin dhe librave vetëndihmës, të cilët kryesojnë listat e bestsellerëve mbi biznesin, një udhërrëfyes mbi lidershipin që i drejtohet pjesës më të mirë të njerëzve."
The New York Times
"Mbi të gjitha, ky është libri i një reporteri të madh, por që përmban edhe mendime origjinale: Carlin – i na shpjegon pse dhe si u bë Mandela një politikan i madh."
Financial Times
"Rrëmbyes... Trembëdhjetë vjet më vonë, ende kemi mundësi të kthejmë kokën prapa e të vështrojmë me emocion një çast që të bënte të besoje se gjithçka ishte e mundur."
Sunday Telegraph
"Ky libër, më tepër sesa një vëllim mbi sportin, është më tepër një kryevepër mbi historinë moderne të politikës, e krijuar mrekullisht dhe e shkruar bukur."
The Times
"Carlin – i ka shkruar një libër mbërthyes dhe të fuqishëm që hedh një fije drite mbi një çast shprese, jo vetëm për një komb, por për të gjithë botën."
Daily Express
