Vizion Strategjik, Zbigniew Brzezinski

Titulli: Vizion Strategjik, Amerika dhe Kriza e Fuqisë Globale
Origjinali: Strategic Vision, America and the Crisis of Global Power
Gjinia: Shkenca politike
Autori: Zbigniew Brzezinski
Shqipëroi: Virgjil Muçi, Jorgji Qirjako
Shtëpia botuese: Tirana Times
Viti: 2012
Fq. 192
Pesha: 0.33 kg
ISBN: 978-9928-4125-0-8

Mbi librin

Bota sot është bërë ndëraktive dhe e ndërvarur. Gjithashtu, për herë të parë ajo është bërë një vend ku problemet e mbijetesës së njerëzimit kanë filluar t'i bëjnë hije konflikteve ndërkombëtare të zakonshme. Fatkeqësisht, fuqitë e mëdha ende nuk kanë mundur të gjejnë përgjigje të përbashkëta globale ndaj sfidave të reja gjithnjë e më të vështira për mirëqënien e njerëzimit: atyre me natyrë mjedisore, klimatike, shoqërore dhe ekonomike, të ushqimit ose demografike.

Pa stabilitetin gjeografik të domosdoshëm, çdo përpjekje për të mundësuar bashkëpunim global të nevojshëm është e dënuar të dështojë. Duke mbajtur parasysh sa më sipër, ky libër përpiqet t'i japë përgjigje katër pyetjeve të rëndësishme:

1. Cilat janë pasojat e ndryshimit global të kalimit të fuqisë nga Perëndimi në Lindje dhe si ndikohen nga realiteti i ri i zgjimit politik të njerëzimit?

2. Përse "joshja" amerikane është në rënie, cilat janë shenjat e bjerrjes së brendshme dhe të jashtme të Amerikës, si Amerika shpërdoroi mundësinë e vetme globale, dhuruar nga përfundimi i Luftës së Ftohtë. Anasjelltas, cilat janë mundësitë e ripërtëritjes dhe çfarë orientimi gjeopolitik është i nevojshëm për të ringjallur rolin botëror të Amerikës?

3. Cilat mund të ishin pasojat gjeopolitike nëse Amerika do humbte pozitën e fuqisë më të madhe botërore, kush mund të ishin viktimat gjeopolitike pothuajse të menjëhershme pas këtij ndryshimi, si do të ndikonte ai ndryshim mbi problemet e shkallës globale të shekullit të njëzetenjë, si dhe a do mundet Kina të marrë nga viti 2025 rolin qendror të Amerikës në çështjet botërore?

4. Me vështrim përtej vitit 2025 , cilat duhet të jenë synimet gjeopolitike afatgjata të Amerikës së rilindur dhe si do mundet Amerika së bashku me aleatët e saj tradicionalë evropianë të angazhojë Rusinë dhe Turqinë për zgjerimin dhe forcimin e Perëndimit? Njëkohësisht, si do të mundet Amerika të gjejë ekuilibrin në Lindje midis nevojës për bashkëpunim të afërt me Kinën dhe faktit që roli konstruktiv i Amerikës në Azi as nuk duhet të jetë i orientuar vetëm nga Kina dhe as nuk duhet të shtojë ngatërrime të rrezikshme në konfliktet aziatike?