Titulli: Shpikja e traditës
Origjinali: The Invention of Tradition
Gjinia: Histori
Autori: Eric Hobsbawm, Terence Ranger
Shqipëroi: Doan Dani, Enis Sulstarova
Shtëpia botuese: Pika pa sipërfaqe
Viti: 2015
Fq. 400
Pesha: 0.386 kg.
ISBN: 978-9928-185-03-7
Mbi librin
Shumë nga traditat të cilat i mbajmë si me origjinë të lashtë, në fakt janë shpikur relativisht së fundi. Ky libër hulumton disa raste të këtij procesi shpikjeje: krijimi i "kulturës kombëtare" të Uellsit dhe Skocisë; përpunimi i ritualeve mbretërore britanike të shekujve XIX dhe XX; origjina e ritualeve perandorake në Indinë britanike dhe Afrikë; dhe përpjekjet e lëvizjeve radikale për të zhvilluar kundërtraditat e tyre.
Ky libër, me shtrirje kaq të gjarë, synon të hetojë ndërveprimin kompleks të së shkuarës me të tashmen, në një studim brilant të ritualit dhe simbolizmit. Lexuesi shqiptar nuk do ta ketë të vështirë të vërejë mekanizmat e shpikjes së traditave dhe përdorimin e tyre edhe në diskursin bashkëkohor shqiptar për të legjitimuar ekzistencën dhe veprimet e shtetit – komb modern.
Mbi autorët
Eric Hobsbawm (1917 – 2012) ka qenë një nga historianët më të njohur të shek. XX. Ai lindi në Egjipt në një familje çifute, kaloi fëmijërinë në Vjenë dhe Berlin. Me ardhjen në fuqi të Hitlerit, familja e tij u shpërngul në Britaninë e Madhe, ku Hobsbawm – i përfundoi doktoraturën në histori (në Universitetin e Kembrixhit) dhe zhvilloi pjesën më të madhe të karrierës së tij.
Ndër veprat e tij më të njohura janë trilogjia për historinë e shek. XlX (Epoka e revolucionit, Epoka e kapitalit, Epoka e perandorisë), Epoka e ekstremeve për historinë e shek. XX, Kombet dhe nacionalizmi që nga 1780 – a, si dhe vëllimi me bashkëautorësi "Shpikja e traditës".
Terence Ranger është një historian britanik i specializuar në hjistorinë e Afrikës, sidomos të Zimbabvesë. Ai ka qenë president i Shoqatës Britanike të Studimeve Afrikane dhe është angazhuar në mbrojtjen e të drejtave të njeriut, veçanërisht të azilkërkuesve.
